Migratsiya agentligi 2026-yilning dastlabki yetti oyida xorijda mehnat qilayotgan o‘zbekistonliklarning huquqlarini himoya qilish bo‘yicha amalga oshirilgan ishlar hisobotini e’lon qildi. Natijada yuzlab fuqarolarning to‘lanmay qolgan maoshlari undirilib, tortib olingan hujjatlari ish beruvchilardan olib berildi.
Prezident Shavkat Mirziyoyev Tadbirkorlar kuni munosabati bilan soha vakillarini mukofotlash to‘g‘risidagi farmonni imzoladi. Davlat mukofotiga sazovor bo‘lganlar orasida “MrOtabekTV” loyihasi asoschisi, bloger Otabek Mahkamov ham bor.
2026-yilning birinchi yarmida O‘zbekistonda ko‘rsatilgan bozor xizmatlari hajmi 664,9 trillion so‘mga yetib, o‘tgan yilning mos davriga nisbatan 16,9 foizga o‘sdi. Milliy statistika qo‘mitasi ma’lumotlariga ko‘ra, eng yuqori o‘sish ko‘rsatkichi moliyaviy xizmatlar sohasida qayd etilgan.
Surxondaryo viloyatining Boysun tumanidagi o‘rmon xo‘jaligi hududida sodir bo‘lgan yirik yong‘in bir sutkalik tezkor harakatlardan so‘ng to‘liq bartaraf etildi. Hodisa oqibatida 1 gektar maydondagi o‘simliklar dunyosi zarar ko‘rdi.
Toshkentda o‘tayotgan 38-Xalqaro informatika olimpiadasida (IOI 2026) O‘zbekiston terma jamoasi 1 ta kumush va 3 ta bronza medalni qo‘lga kiritib, musobaqalar tarixidagi eng yuqori ko‘rsatkichini qayd etdi.
Qashqadaryo viloyatining Yakkabog‘ tumanida buyuk sarkarda Amir Temur hayoti va merosiga bag‘ishlangan yirik muzey-yodgorlik majmuasi qurilishi rejalashtirilmoqda. Ushbu loyiha hududning turizm salohiyatini keskin oshirishga qaratilgan.
12 yoshidan boks bilan shug‘ullanishni boshlagan, SSSRning to‘rt karra chempioni bo‘lmish Rufat Risqiyev vafot etdi. U o‘sha davrda Olimpiadada finalga chiqqan yagona sovet bokschisi edi.
Turkiyaning Kayseri shahrida tramvay yo‘lini kesib o‘tmoqchi bo‘lgan 24 yoshli ayolni tramvay urib yubordi. Og‘ir jarohat olgan ayol shifoxonada vafot etdi. Hodisa yuzasidan tergov boshlandi.
Prezident “Odil sudlov – 2030” strategiyasini ma’qulladi. Strategiya doirasida 2027-yildan 5 ta hududlararo sud tashkil etish, fuqarolik sudlarini tuman va shaharlarga yaqinlashtirish, sud xizmatlarini raqamlashtirish hamda inson huquqlari kafolatlarini kuchaytirish ko‘zda tutilmoqda.
Qozog’istonning Olmota viloyatida erini qasddan o’ldirishda ayblangan to’rt nafar bolaning onasi bo’lmish homilador ayol sudda hakamlar hay’ati tomonidan to’liq oqlandi. Hakamlar hay’ati ayolning xatti-harakatini zaruriy mudofaa deb baholadi.
O‘zbekistonda ko‘chmas mulk obyektlarini ommaviy baholash tizimi bosqichma-bosqich joriy etilmoqda. Tizimning asosiy maqsadi — ko‘chmas mulkning qiymatini bozor sharoitlariga imkon qadar yaqin aniqlash, mulkdorlar va davlat uchun ishonchli axborot bazasini shakllantirish.
AQSh politsiyasi Jahon chempionati davomida Messi va Ronaldoga qarshi bir necha bor jiddiy tahdidlar fosh etilganini ma’lum qildi.
14-avgust kuni kuchga kirgan Prezident Administratsiyasi faoliyatini tartibga soluvchi Konstitutsiyaviy qonun bilan bazi hujjatlarga o‘zgartirish kiritildi. Unga ko‘ra, vazir o‘rinbosarlari, hokimlar va yana bir qator tizim rahbarlari “prezident tomonidan belgilanadigan tartibda” tayinlanadi.
Toshkentning Yunusobod tumanida joylashgan sobiq dispanser binosi buzilishi munosabati bilan uning devorlaridagi 1972-yilga oid noyob mozaika kompozitsiyalari saqlab qolinadi. Madaniy meros agentligi ushbu monumental san’at namunalarini ehtiyotkorlik bilan demontaj qilib, boshqa xavfsiz hududga ko‘chirish ishlarini boshladi.
Qo‘shni davlat energetika tizimida sodir bo‘lgan avariya butun Markaziy Osiyo energotizimiga ta’sir ko‘rsatdi va O‘zbekistonning bir nechta hududlarida uzilishlarga olib keldi. Ayni paytda avariya oqibatlari tezkorlik bilan bartaraf etilmoqda.
2026-yilning birinchi yarmida O‘zbekiston tijorat banklari aholidan 12,3 milliard dollar xarid qildi. Bu ko‘rsatkich aholi banklardan sotib olgan valyuta hajmidan qariyb ikki baravarga ko‘p bo‘lib, mamlakatda sof valyuta taklifi ulushi keskin oshganini ko‘rsatmoqda.
Vazirlar Mahkamasining yangi qarori bilan davlat idoralari va tashkilotlarida o‘zbek tilida ish yuritish hamda imlo qoidalariga rioya qilinishi ustidan nazorat keskin kuchaytirildi. Endilikda davlat tili bo‘yicha maslahatchilar faoliyati to‘g‘ridan-to‘g‘ri Hukumat departamenti tomonidan muvofiqlashtiriladi.
Ta’lim sifatini ta’minlash milliy agentligi O‘zbekistondagi barcha oliygohlarda majburiy karyera markazlarini tashkil etish va bitiruvchilar bandligini qat’iy nazoratga olishni nazarda tutuvchi qaror loyihasini muhokamaga qo‘ydi. Yangi tartibga ko‘ra, karyera markazini ochmagan xususiy OTMlar litsenziyasidan mahrum qilinishi mumkin.
O‘zbekiston Prezidenti Shavkat Mirziyoyev “O‘zbekiston Respublikasi Prezidenti Administratsiyasi to‘g‘risida”gi Konstitutsiyaviy qonunni imzoladi. Ushbu yangi hujjat bilan davlat idorasi faoliyatidagi huquqiy bo‘shliqlarga chek qo‘yilib, uning vakolatlari va huquqiy statusi ilk bor alohida qonun bilan tartibga solindi.
Qirg‘iziston prezidenti Sadir Japarov 2027-yilda o‘tkaziladigan navbatdagi prezidentlik saylovlarida ikkinchi muddatga o‘z nomzodini qo‘yishini rasman bildirdi. U o‘z qarorini boshlangan islohotlarni oxiriga yetkazish zarurati bilan izohladi.
