Qirg‘iziston prezidenti Sadir Japarov sobiq Milliy xavfsizlik davlat qo‘mitasi raisi Qamchibek Tashiyev bilan munosabatlari va uning lavozimidan olinishi sabablari haqida gapirdi. Davlat rahbari do‘stlik munosabatlari saqlanishi, lekin Tashiyevni qayta davlat lavozimiga tayinlash niyati yo‘qligini bildirdi.
Bosh prokuratura huzuridagi Departament Toshkent va Namangan viloyatlarida elektr tarmog‘iga noqonuniy ulanib, davlat manfaatlariga 4,5 milliard so‘mlik zarar yetkazgan shaxslarni aniqladi. Qoidabuzarliklar fermer xo‘jaliklari, ko‘p qavatli uylar va xususiy xonadonlarda qayd etilgan.
Rossiyada 10-avgustdan e’tiboran mehnat migrantlarining patenti bo‘yicha oylik aylanma soliq to‘lovi o‘z vaqtida amalga oshirilmasa, hujjat avtomatik ravishda o‘z kuchini yo‘qotadigan tartib kuchga kirdi. Shuningdek, 2027-yilga borib mamlakatda xorijlik ishchilar uchun talablar yanada qat’iylashtirilishi kutilmoqda.
AQSH Adliya vazirligi mamlakat tarixidagi eng yirik nikoh firibgarliklaridan birini fosh etdi. 10 yil davomida Xitoy fuqarolariga doimiy yashash huquqini olib berish maqsadida 1000 dan ortiq soxta nikoh tashkillashtirilgani aniqlandi.
O‘zbekiston 2024-yilda 53 ming tonna mayiz eksport qilib, ushbu mahsulotni yetkazib berish bo‘yicha dunyoning eng yetakchi davlatlari qatoridan joy oldi. 2026-yilning birinchi yarmida esa eksport hajmi yana oshib, 60 million dollarga yetdi.
Ruslanbek Davletov Prezident huzuridagi Qonunchilik va huquqiy siyosat instituti direktori etib tayinlandi. U bundan avval Prezidentning maslahatchisi lavozimida faoliyat yuritib kelayotgan edi.
“Biznesga litsenziyasiz kirish” maxsus rejimi joriy etildi. Unga ko'ra,yangi tadbirkorlar endi 3 oy davomida litsenziya va ruxsatnomasiz ish boshlashi mumkin.
Toshkent shahrining Olmazor, Yangihayot va Sergeli tumanlarida rejalashtirilgan modernizatsiya hamda ta’mirlash ishlari sababli gaz ta’minotida vaqtincha uzilishlar kuzatiladi. Ayniqsa, Yangihayot va Sergeli tumanlarida cheklovlar deyarli 4 kun davom etadi.
2026-yilning o‘tgan davrida O‘zbekiston aholisi Prezident Xalq qabulxonasiga 557 mingdan ziyod murojaat yo‘lladi. Davlat xizmatchilari xatti-harakatlari bo‘yicha shikoyatlar sezilarli darajada qisqargan bo‘lsa-da, huquq-tartibot, ijtimoiy nafaqalar hamda kommunal sohalar eng muammoli yo‘nalishlar bo‘lib qolmoqda.
Oziq-ovqat mahsulotlari xavfsizligi qo‘mitasi Qirg‘iziston chegarasida to‘xtatilgan 23 tonna piyoz va 5 tonna sabzi bilan bog‘liq vaziyat yuzasidan rasmiy axborot berdi. Kamchiliklar bartaraf etilgach, mahsulotlar qo‘shni mamlakat hududiga olib kirishga ruxsat berilgan.
O‘zbekistonda qonunchilikka kiritilgan yangi tartibga ko‘ra, endi farzandga otasining ismi, shuningdek, milliy an’analar asosida bobosining ismi familiya sifatida beriladi. Mazkur o‘zgarish qonun rasman e’lon qilingan kundan e’tiboran kuchga kiradi.
O‘zbekiston Respublikasi Vazirlar Mahkamasi huzuridagi Migratsiya agentligi tibbiyot yo‘nalishidagi texnikum bitiruvchilari uchun Germaniya klinikalarida ishlash imkoniyati yaratilmoqda. Dastur doirasida 1 500 ta grant o‘rni ajratilgan.
Toshkent shahri Yashnabod tumanida 3 yoshli o’g’liga uxlatuvchi dori berib, doimiy zoʻravonlik qilib kelgan onaga jinoiy ish ochildi. Tuman vasiylik organi ayolni onalik huquqidan mahrum qilish boʻyicha sudga hujjatlar tayyorlanmoqda.
Rossiya Liberal-demokratik partiyasi mamlakatdagi xorijlik ishchilar uchun jismoniy shaxslardan olinadigan daromad solig‘i stavkasini 30 foizgacha ko‘tarishni ilgari surdi. Shuningdek, soliq to‘lamaganlarni deportatsiya qilish va kirishdan oldin majburiy pul depoziti joriy etish taklif etilmoqda.
16 yoshli o'zbekistonlik D.X joriy yilning 29-iyul kuni mahalliy vaqt bilan taxminan 5:00 da bedarak yo'qolgan edi.
Bugun, 13-avgust kuni Rossiya prezidenti Vladimir Putinning navbatdagi hududiy safari chog‘ida aytgan “g‘oliblik genetik kodi” haqidagi fikrlari siyosiy ritorikaning biologik tushunchalar bilan o‘ralgan navbatdagi namunasiga aylandi.
2026-yilning dastlabki yetti oyida O‘zbekistondan Qozog‘istonga doimiy yashash uchun 2,9 mingga yaqin kishi ko‘chib o‘tdi. Bu ko‘rsatkich o‘tgan yilning mos davriga nisbatan qariyb 50 foizga kamayib, so‘nggi besh yildagi eng past darajaga tushdi.
Sopollitepa qadimiy manzilgohidan topilgan 4 ming yillik pilla hamda tut daraxti qoldiqlari O‘zbekiston hududida bronza davridayoq ipakchilik texnologiyasi mavjud bo‘lganini ko‘rsatdi.
2026-yil boshidan buyon o‘zbekistonlik maktab o‘quvchilari xalqaro fan olimpiadalarida 35 ta oltin, 81 ta kumush va 104 ta bronza – to‘plam 220 ta medalni qo‘lga kiritdi. Bu ko‘rsatkich o‘tgan yilgi natijadan oshib, yangi rekordni qayd etdi.
Qirg‘izistonning O‘sh shahrida xalqaro qidiruvda bo‘lgan ikki nafar O‘zbekiston fuqarosi qo‘lga olindi. Ular Toshkentdagi qotillik hamda Andijondagi huquq-tartibot xodimlariga kuch ishlatish jinoyatlarida gumonlanmoqda.
