O‘zbekistonda endi 3 oy litsenziyasiz tadbirkorlik qilish mumkin bo‘ladi
O‘zbekiston Respublikasining ayrim qonun hujjatlariga o‘zgartirish va qo‘shimchalar kiritildi.Endi yangi tadbirkorlikka qadam qo’ygan shaxslar uchun 3 oy davomida litsenziyasiz faoliyatiga ruxsat beriladi. Bu haqda Biznes ombudsmani o’z rasmiy sahifasida xabar berdi.
Unga ko’ra, litsenziyani yoki ruxsat etish xususiyatiga ega hujjatni “Biznesga litsenziyasiz kirish” maxsus rejimi orqali olishning yangi imkoniyatlari belgilandi.
Bunda talabgor faoliyatini maxsus electron tizim yoki YIDXP orqali vakolatli organga bepul xabar bergan holda tegishli litsenziya yoki ruxsatnoma olmasdan turib amalga oshirishi mumkin.
Talabgor “Biznesga litsenziyasiz kirish” maxsus rejimining amal qilish muddati davomida:
o‘z faoliyatini litsenziya yoki ruxsat berish talablariga va shartlariga muvofiqlashtirish choralarini ko‘radi;
tegishli litsenziyani yoki ruxsat etish xususiyatiga ega hujjatni belgilangan tartibda oladi yoxud mazkur faoliyatni tugatadi.
Eslatib o’tamiz, O‘zbekiston Prezidenti - “Sizlar yangilik qilishdan charchamanglar, men qo‘llab-quvvatlashdan charchamayman”, deb Shavkat Mirziyoyev, tadbirkorlar bilan uchrashuvda aytgan edi.
