Jahon chempionatida Messi va Ronaldoga suiqasd uyishtirmoqchi bo’lganlar fosh etildi
Argentina–Iordaniya o‘yinidan oldin bir kishi Dallas aeroportiga qo‘ng‘iroq qilib, bomba va AR-15 bilan stadionga bostirib kirib Messini o‘ldirish bilan tahdid qilgan. Hattoki Argentina–Misr 1/8 finali oldidan ham tahdidlar takrorlangan, gumondorlardan biri ijtimoiy tarmoqda Messini portlatish niyatini ochiq yozgan. Bu haqda marca.com nashri xabar qildi.
Ronaldoga nisbatan ham shu kabi xavf holatlari kuzatilgan. FIFA xavfsizlik xizmati uning turar joyi haqida so‘ragan shubhali shaxs borligini ma’lum qilgan. Ikki kundan so‘ng Xyuston politsiyasi Portugaliya terma jamoasi joylashgan mehmonxonada uni ushlagan.
Torontoda yana bir shaxs Krishtianu Ronaldu chiqqan liftga yashirincha kirishga urinayotganida hibsga olingan. Gumondor aytishicha, u faqat Ronaldo bilan selfi tushishni xohlayotganini da'vo qilgan.
Bundan tashqari, hakamlarga o'lim tahdidi ham qilingan. Fransuz hakami Fransua Leteksie bahsli Argentina-Misr o'yinini boshqarganidan so'ng shaxsiy WhatsApp sahifasi orqali 6000 dan ortiq nafratga asoslangan xabarlar olgan. O'sha o'yinning VAR hakami Villi Delajod bilan ham xuddi shunday holat yuz berdi. Tahdidlar tufayli hakamlarning Fransiyadagi uylari va oilalarining xavfsizligini kuchaytirish zarurati tug'ilgan.
