Ramazon Temirov Abu Dabidagi jangda Loner Kavanaga nokaut bilan yutqazib qo‘ydi
O‘ta yengil vazn toifasida kechgan ushbu bahsda unga Buyuk Britaniya vakili Loner Kavana raqiblik qildi.
Ushbu to‘qnashuvdan oldin har ikki sportchi reytingda ketma-ket joy olgan edi: Temirov 7-o‘rinni, Kavana esa 6-pog‘onani egallab turgandi. Murosasiz o‘tishi kutilgan uchrashuv uzoqqa cho‘zilmadi. Britaniyalik jangchi birinchi raunddayoq texnik nokaut evaziga ustun kelib, ketma-ket g‘alabalar seriyasini davom ettirdi.
Ushbu muvaffaqiyatsizlik Ramazon Temirov uchun professional faoliyatidagi to‘rtinchi mag‘lubiyat bo‘ldi. Hozirda uning hisobida 20 ta g‘alaba va 4 ta mag‘lubiyat mavjud. Loner Kavana esa o‘zining 11-g‘alabasini rasmiylashtirib, reytingdagi mavqeini yanada mustahkamlab oldi.
