Kayserida tramvay urib yuborgan 24 yoshli ayol vafot etdi
Turkiyaning Kayseri viloyati Melikgazi tumanida tramvay yo‘lini kesib o‘tmoqchi bo‘lgan 24 yoshli Kezban Nur Eravshar tramvay ostida qolib, shifoxonada vafot etdi. Bu haqda Cumhuriyet xabar berdi.
Hodisa Ahmet Gazi Ayhan bulvaridagi Keykubat tramvay bekatida yuz bergan. Qarama-qarshi tomondagi bekatga o‘tmoqchi bo‘lgan ayolni harakatlanayotgan tramvay urib yuborgan. Zarba oqibatida u tramvay ostida qolib ketgan.
Voqea joyiga politsiya, o‘t o‘chirish va tez tibbiy yordam xodimlari yetib kelgan. Qutqaruvchilar ayolni tramvay ostidan chiqarib, shifoxonaga yetkazgan.
Og‘ir ahvolda Kayseri shahar shifoxonasiga olib borilgan ayol shifokorlarning barcha sa’y-harakatlariga qaramay vafot etgan. Uning jasadi sud-tibbiy ekspertiza uchun morgga yuborilgan.
Hodisa yuzasidan tergov boshlatilgan.
