10-sentabr kuni NKMKning “Pistali” konida shinomontaj ishlari vaqtida avtomobil shinasi portlashi oqibatida ikki nafar ishchi halok bo‘ldi. Hodisa yuzasidan tergovga qadar tekshiruv olib borilmoqda.
Fargʻona viloyati Qoʻshtepa tumanidagi markaziy shifoxonada 7-sentabr kuni bosh hamshira bir necha nafar xodimga pichoq bilan hujum qildi. Voqea oqibatida bir kishi vafot etdi, bir necha nafar xodim esa turli darajada jarohat oldi. Gumonlanuvchi ayol qo'lga olingan.
Rossiya Adliya vaziri Konstantin Chuychenko MDH davlatlari bilan mahkumlarni topshirishga oid xalqaro shartnomalar mavjudligini qayd etdi. U mahkumning jazoni o‘z vatanida o‘tashi uning yaqinlari bilan ijtimoiy aloqalarini tiklash, keyinchalik jamiyatga qayta moslashishiga yordam berishini bildirdi.
Dam olish kunlari O‘zbekistonda havo asosan kam bulutli va yog‘ingarchiliksiz bo‘ladi. Harorat biroz pasayib, kunduzi 25–30 daraja, ayrim joylarda 32, janubda esa 35 darajagacha yetishi kutilmoqda.
Chirchiq shahrida kombayn ortib ketayotgan yuk avtomobilining yarim tirkamasi uzilib, yo‘l chetidagi xonadon hududiga kirib ketgan. Jabrlanganlar yo‘q, zarar qonunchilik tartibida qoplanadi.
3-sentyabr kuni Glinka ko‘chasida yuz bergan chaqnashdan so‘ng Toshkentdagi gaz tarmoqlarida o‘tkazilgan tekshiruvlarda 10 ta gaz sizib chiqish holati aniqlandi. Ularning 4 tasi o‘rta, 6 tasi past bosimli gaz quvurlarida qayd etilib, barchasi bartaraf etildi.
Sirdaryo daryosida xodim reyd vaqtida elektr qarmoq bilan baliq ovlayotgan brokonyerlarni toxtatishga urinib, ularning qarshiligi oqibatida suvga tushib ketgan. Bir kun ichida uning jasadi topilgani, “Tabiat himoyachisi” ko‘krak nishoni berilgani xabar qilindi.
Jahon meteorologiya tashkilotining mavsumiy prognozlariga ko‘ra, 2026-yil kuzida O‘zbekistonning katta qismida yog‘ingarchilik me’yordan ko‘p bo‘lishi kutilmoqda. Mutaxassislar tarixiy El-Nino davrlari bilan qiyoslab, 2026–2027-yil qishi sernam, 2027-yil yozi esa juda issiq kelishi mumkinligini taxmin qilmoqda.
Xovos tumani IIBning 2 nafar sobiq tezkor xodimi jinoyat ishini ma’muriy huquqbuzarlikka aylantirib berish evaziga 35 mln so‘m talab qilganlikda aybdor deb topildi. Sud hukmi bilan ulardan biri 5 yil 1 oyga, ikkinchisi 6 yil 1 oyga ozodlikdan mahrum qilindi.
Toshkentda 1-oktabrdan avtobus va metroda elektron to‘lov orqali bir martalik yo‘l haqini 1700 so‘mdan 2500 so‘mga oshirish taklif qilinmoqda. Naqd to‘lovni 3000 so‘m miqdorida saqlab qolish, shuningdek, yangi abonement va imtiyozli tariflarni joriy etish rejalashtirilgan.
Ko'p qavatli uylarning birinchi qavatidagi kvartiralarni biznes uchun foydalanish tartibi osonlashtirilmoqda. Ularni noturar joy toifasiga o‘tkazmay do‘kon, salon, atele va ustaxona sifatida ishlatish taklif etilmoqda.
10-sentyabrdan e’tiboran Toshkent va Andijon o‘rtasida amaldagi poyezd o‘rniga zamonaviy tezyurar elektropoyezdi harakatlana boshlaydi.
Chorvoq suv omborida 2-sentyabr kuni katerda sayr qilish vaqtida cho‘kib ketgan ota va uning ikki o‘g‘lini qidirish ishlari yakunlandi. Kichik o‘g‘ilning jasadi 9-sentyabr kuni, ikkinchi o‘g‘ilniki esa bugun topilgan edi. Soat 13:35 da FVV g‘avvoslari otaning jasadini ham topdi va shu tariqa uchala fuqaroning jasadi topilgan bo‘ldi.
O‘zbekistonda firibgarlar fuqarolarning Telegram akkauntlarini egallab olish uchun soxta onlayn-tanlovlardan foydalanishni boshladi.
Samarqand shahar 1-son ixtisoslashtirilgan maktab-internatining 11-sinf o‘quvchisi Firdavs Nag‘matullayev xalqaro SAT imtihonidan 1600 ball oldi.
O‘zbekistonda ikki alifbolik davri tugamoqda – yangilangan yozuv kuchga kirishi bilan mamlakatdagi barcha ommaviy axborot vositalari istisnosiz yangi standartdagi lotin alifbosida faoliyat yuritishga majbur bo‘ladi.
Sirdaryo viloyatidagi bog‘chalardan birida xodimlarni majburiy mehnatga va “Open budget” loyihasiga ovoz yig‘ishga majburlagan muassasa rahbari aniqlandi. Bolalar bog‘chasi direktoriga nisbatan 20 million so‘mdan ziyod ma’muriy jarima qo‘llanildi.
O‘zbekiston Respublikasi Prezidenti Administratsiyasi Rahbari Saida Mirziyoyeva amaldagi lavozimi bilan bir vaqtda Toshkent xalqaro moliya markazi boshqaruvchisi etib tayinlandi.
Chorvoq suv omborida 2-sentyabr kuni cho‘kib ketgan ota va ikki o‘g‘ildan ikkinchisining jasadi ham topildi. Hozirda otani qidirish ishlari davom etmoqda.
26-avgust kuni Piskom daryosida SUP-doskada sayr vaqtida suvga tushib, oqimda yo‘qolgan 30 yoshli fuqaroning jasadi 10-sentabr kuni FVV g‘avvoslari tomonidan topildi.
