O‘zbekistonda noyabrning ikkinchi yakshanbasida nishonlanadigan professional bayram farmatsevtlar sharafiga qayta nomlanmoqda
Taklif etilayotgan hujjatga ko‘ra, amaldagi bayram nomiga farmatsevtika sohasini qo‘shish nazarda tutilgan. Bayramning o‘tkazilish sanasiga o‘zgartirish kiritilmaydi – u har yilgidek noyabr oyining ikkinchi yakshanbasida nishonlanishda davom etadi.
Ushbu tashabbus qonunchilikdagi atamalarni fuqarolar sog‘lig‘ini saqlash hamda dori vositalari muomalasiga oid tushunchalar bilan bir xillashtirishga qaratilgan. Shuningdek, soha xodimlarining jamiyatdagi o‘rni va maqomini oshirish maqsad qilingan.
Deputatlarning ta’kidlashicha, ushbu qayta nomlash farmatsevtika sohasi vakillarining mehnati e’tirof etilishiga hamda ularni moddiy va ma’naviy rag‘batlantirish tizimini yanada mustahkamlashga xizmat qiladi.
