Oliy ta’lim, fan va innovatsiyalar vaziri Qo‘ng‘irotboy Sharipov 2030-yilga borib mamlakatdagi barcha talabalarning turar joyga bo‘lgan ehtiyoji to‘liq qondirilishini ma’lum qildi. Yotoqxonalar qurilishi davlat-xususiy sheriklik asosida jadal olib borilmoqda.
AQSh Federal qidiruv byurosi (FBR) tomonidan xalqaro qidiruvga berilgan O‘zbekiston va AQSh ikki fuqaroligiga ega shaxs Tbilisida ushlandi. U xalqaro terrorchilik tashkilotlarini moliyalashtirish hamda guruh tuzishda ayblanmoqda.
Jahongir Ortiqxo‘jayev Tataristondagi fojiali voqealardan so‘ng xorijdagi, jumladan Rossiyadagi 10 ming nafar O‘zbekiston fuqarosini AKFA Holding tarkibiga ishga olish taklifi bilan chiqdi. Prezident Shavkat Mirziyoyev ushbu tashabbusni qo‘llab-quvvatlab, vatandoshlarni ishga joylashtirish bo‘yicha maxsus platforma yaratish topshirig‘ini berdi.
2026/2027-o‘quv yilida Qozog‘iston, Qirg‘iziston, Tojikiston va Mo‘g‘uliston fuqarolari uchun O‘zbekiston davlat OTMlarida ta’lim olishga 70 ta davlat granti ajratildi.
O‘zbekiston va Turkmaniston o‘rtasida to‘g‘ridan to‘g‘ri aviaqatnovlarni qayta yo‘lga qo‘yish hamda ikki mamlakat o‘rtasidagi transport-logistika jarayonlarini yengillashtirish masalalari muhokama qilindi. Bu haqda Transport vazirligi ma’lum qildi.
Toshkent viloyatida Cobalt haydovchisi quvib o‘tish qoidalarini buzib, Spark avtomobilini yo‘ldan siqib chiqardi. Boshqaruvni yo‘qotib ag‘darilgan mashinada bo‘lgan 39 yoshli ota va uning 5 yoshli farzandi fojiali ravishda vafot etdi.
Bosh prokuratura Toshkent shahridagi noqonuniy qurilishlar, yashil hududlar va bolalar maydonchalarining egallab olinishi haqida tezkor xabar berish imkonini beruvchi maxsus Telegram-botni yo‘lga qo‘ydi.
O‘zbekiston 2026-yilning yanvar-iyul oylarida xorijdan 710 ming tonna benzin sotib oldi. Bojxona qo‘mitasi ma’lumotlariga ko‘ra, import hajmi o‘tgan yilning mos davriga nisbatan 248,3 ming tonnaga ko‘paygan.
Kuala-Lumpurda O‘zbekiston fuqarolari uchun 30 kunlik vizasiz tartib va uzoq muddatli vizalarni rasmiylashtirish jarayonlarini soddalashtirish masalalari ko‘rib chiqildi. Bu haqda “Dunyo” axborot agentligi xabar berdi.
O‘zbekiston hamda Qirg‘iziston chegarasida joylashgan "Mamay" nazorat-o‘tkazish punktini qayta tiklash va Kerben–Mamay avtomobil yo‘lini barpo etish bo‘yicha muzokaralar yakuniy bosqichga kirdi. Bu haqda Qirg‘iziston prezidentining maxsus vakili Bakit To‘rabayev ma’lum qildi.
18-avgustdan e’tiboran Toshkentda 79-sonli “TTZ AShB – Beruniy metrosi” yangi avtobus yo‘nalishi bo‘yicha qatnovlar boshlandi. Bu haqda Toshkent shahar transport bosh boshqarmasi ma’lum qildi.
AQSh Davlat departamenti e’lon qilgan “2026-yilgi Fiskal shaffoflik hisoboti”da O‘zbekiston moliyaviy ochiqlik bo‘yicha minimal talablarga to‘liq javob bermaydigan mamlakatlar sirasida qoldi. Tadqiqotda dunyodagi 139 ta hukumat tahlil qilingan bo‘lib, ulardan 73 tasi mezonlarga mos kelgan, O‘zbekiston kirgan 67 ta davlat esa talabga javob bera olmagan.
2026-yilning birinchi yarim yilligida O‘zbekistonda 70 yosh va undan katta bo‘lgan 29 nafar erkak oilasida chaqaloq dunyoga keldi. Milliy statistika qo‘mitasi ma’lumotlariga ko‘ra, yanvar-iyun oylarida mamlakat bo‘yicha jami 373,3 mingdan ortiq tirik tug‘ilish holati qayd etilgan.
Yangi magistral Urganch aeroporti va Xivani bog‘laydi. 35 kilometr uzunlikdagi to‘rt tasmali yo‘lda Urganchdan Xivaga yetib borish vaqti 45–50 daqiqadan 15–17 daqiqagacha qisqaradi. Yo‘l sutkasiga 30 mingdan ortiq avtomobilni o‘tkazadi. Transport oqimi va to‘lovlarni boshqarish sun’iy intellektga asoslangan raqamli tizimlar orqali amalga oshirilib, avtomobillar yo‘lda to‘xtamasdan elektron shaklda to‘lov qiladi.
AQSh Oq uyining Savdo va ishlab chiqarish siyosati boshqarmasi e’lon qilgan hisobotda O‘zbekiston Xitoy mahsulotlarini Amerika bojlaridan olib qochishda foydalanilishi mumkin bo‘lgan 40 dan ortiq xavfli davlatlar qatoriga kiritildi.
Turkiyaning Aydin viloyatida bank kartalari orqali shubhali moliyaviy operatsiyalarni amalga oshirgan 10 nafarga yaqin O‘zbekiston fuqarosiga nisbatan tergov harakatlari olib borilmoqda.
Qoidabuzar o‘z qilmishi uchun uzr so‘ragan. Unga 2 million 884 ming so‘m miqdorida jarima qo‘llangan. Hayvonot bog‘i ma’muriyati hayvonlarga nisbatan shafqatsiz munosabat javobgarlikka sabab bo‘lishini qayta eslatdi.
Qonunchilik palatasi Sirdaryo viloyatidagi shahar va tumanlar chegaralarini o‘zgartirish to‘g‘risidagi qaror loyihasini qabul qildi. Hujjatga ko‘ra, Guliston va Shirin shaharlarining hududlari tumanlar hisobidan deyarli 1,75 ming gektarga kengaytiriladi.
2026-yilgi oliy ta’lim muassasalariga kirish imtihonlarida 233,9 ming nafar abituriyent 56,7 ballik minimal chegaradan o‘ta olmadi. Bu haqda Oliy ta’lim vazirining birinchi o‘rinbosari Sardor Rajabov Toshkentda o‘tkazilgan matbuot anjumanida ma’lum qildi.
Rossiyaning “Rosatom” korporatsiyasi tomonidan Misrda barpo etilayotgan “El-Dabaa” atom elektr stansiyasi qurilishida yadro xavfsizligi buzilgani, beton konstruksiyalarda nuqsonlar aniqlangani va xodimlarning intizomsizligi ma’lum bo‘ldi. “Politico” nashri qo‘lga kiritgan maxfiy hujjatlarga ko‘ra, Misr tomoni pudratchini “qasddan beparvolik”da ayblamoqda.
