O‘zbekistonga benzin importi keskin oshdi
Yetti oy davomida xorijdan keltirilgan benzinning umumiy qiymati 426 million dollarni tashkil etdi. Bunda import qilingan yoqilg‘ining har bir tonnasi o‘rtacha 600 dollarga tushgan. Taqqoslash uchun, 2025-yilning mos davrida 264,9 million dollarga 461,7 ming tonna benzin xarid qilingan bo‘lib, o‘shanda bir tonna yoqilg‘i narxi 575 dollarni tashkil etgan.
Import hajmining oshishi fonida mahalliy ishlab chiqarishda ham o‘sish kuzatilgan. Joriy yilning dastlabki olti oyida O‘zbekistonda 614,2 ming tonna benzin ishlab chiqarildi. Bu ko‘rsatkich 2025-yilning mos davridagidan 34,5 tonnaga ko‘p bo‘lsa-da, 2024-yilning dastlabki yarim yilidagi hajmdan 62,7 ming tonnaga kamdir.
Ma’lumot uchun, avgust oyi boshida “O‘zbekneftgaz” AJ joriy yil yakuniga qadar mamlakatda ishlab chiqarish hajmini 1,1 million tonnaga yetkazishni rejalashtirayotganini ma’lum qilgan.
