O‘zbekiston va Qirg‘iziston o‘rtasidagi "Mamay" chegara posti qayta ochilmoqda
Jalolobod viloyatidagi ushbu xalqaro punkt loyihasi bilan tanishgan To‘rabayevning ta’kidlashicha, chegara postining ochilishi ikki mamlakat chegaraoldi hududlari o‘rtasida savdo-sotiq hamda turizm aloqalarini keskin jonlantiradi. Xususan, Aksiy tumani aholisi va mahalliy ishlab chiqaruvchilar o‘z mahsulotlarini O‘zbekiston bozorlariga to‘g‘ridan-to‘g‘ri eksport qilish imkoniyatiga ega bo‘ladi.
Shuningdek, infratuzilmaning yangilanishi va yo‘l qurilishi ortidan Sari-Chelek, Padisha-Ata hamda Kara-Kamish kabi mashhur turistik maskanlarga tashrif buyuruvchi o‘zbekistonlik sayyohlar oqimi sezilarli darajada oshishi kutilmoqda.
Ma’lumot uchun, "Mamay" o‘tkazish punkti 2020-yilda yopilgan edi. So‘nggi yillarda uni qayta tiklash masalasi parlament darajasida bir necha bor ko‘tarilgan. Ta’kidlash joiz, 2026-yilning iyul oyida ikki davlat rasmiylari chegaralardagi nazorat-o‘tkazish punktlari sonini 15 tadan 30 taga yetkazish bo‘yicha o‘zaro kelishuvga erishgan edi.
Avvalroq O‘zbekiston va Qirg‘iziston o‘rtasidagi chegaralarni delimitatsiya hamda demarkatsiya qilish doirasida Qadamjoy tumanida amaliy uchrashuv o‘tkazilgan edi.
