Toshkentda TTZ va Beruniy metrosini bog‘lovchi yangi avtobus yo‘nalishi yo‘lga qo‘yildi
Yangi yo‘nalish TTZ massividan Beruniy metro bekatigacha bo‘lgan masofada jamoat transporti qatnovini yaxshilash va aholi uchun qulaylik yaratish maqsadida tashkil etildi. Avtobuslar har kuni soat 05:30 dan 23:00 gacha fuqarolarga xizmat ko‘rsatadi.
Qatnov chizig‘i “TTZ AShB” bekatidan boshlanib, Yuzrabot, Feruza, Mirzo Ulug‘bek, Shohimardon Mo‘minov hamda Ziyolilar ko‘chalari, Kichik halqa avtomobil yo‘li va Farobiy ko‘chasi orqali “Beruniy metrosi” bekatigacha davom etadi.
Ushbu yo‘nalishga 8 ta zamonaviy, o‘rta sig‘imli “YUTONG” avtobusi biriktirilgan bo‘lib, yo‘lovchi tashish xizmatini ko‘rsatish “IDEAL AUTO SERVICE” MChJga topshirilgan.
