O‘zbekistonda qancha “oltmishvoy” va “yetmishvoy”lar tug‘ilgani ma’lum qilindi
Ijtimoiy-demografik ko‘rsatkichlarga ko‘ra, yoshi ulug‘ otalar soni faqatgina 70 yoshdan oshganlar bilan cheklanmaydi. Olti oy davomida 60 yoshdan 69 yoshgacha bo‘lgan 249 nafar erkak ham farzandli bo‘lgan. Mamlakatdagi otalarning asosiy qismini esa 25 yoshdan 39 yoshgacha bo‘lgan fuqarolar tashkil etib, ushbu guruhga 309 mingdan ziyod tug‘ilish to‘g‘ri kelgan.
Statistikaga ko‘ra, tug‘ilgan chaqaloqlarning aksariyati – 51,7 foizi (192,9 ming nafar) o‘g‘il bolalar bo‘lsa, 48,3 foizini (180,5 ming nafar) qizlar tashkil qilgan. Shuningdek, 25 yoshgacha bo‘lgan otalar ulushiga 34,5 mingta, 40 yoshdan 59 yoshgacha bo‘lgan erkaklar hisobiga esa 29,4 mingta tug‘ilish to‘g‘ri keldi.
Tug‘ilganlarning aksariyatida bir nafar chaqaloq dunyoga kelgani kuzatilgan – 365,1 mingdan ortiq holat. Shu bilan birga, yarim yil ichida 7 996 ta oilada egizaklar hamda 232 ta holatda uch va undan ortiq chaqaloq bir vaqtda tug‘ilgani qayd etildi.
