O‘zbekiston jinoyat ishlari bo‘yicha sudlarida 2026-yilning birinchi yarim yilligida 49 705 kishiga nisbatan ishlar ko‘rib chiqildi. Bu o‘tgan yilning mos davriga solishtirganda ko‘rsatkichlar 29 foizga oshganini ko‘rsatmoqda.
O‘zbekistonning Birlashgan Arab Amirliklaridagi yangi tayinlangan elchisi Umid Shodiyev BAA Prezidenti Shayx Muhammad bin Zoid Ol Nahayonga ishonch yorliqlarini topshirib, diplomatik missiyasiga rasman kirishdi.
O‘zbekistonda yilning birinchi yarmida zo‘ravonlik va tazyiqqa oid jinoyat ishlari bo‘yicha 2 146 nafar ayol jabrlanuvchi deb topildi. Ularning 581 nafari voyaga yetmagan. Sudlar 1 624 nafar shaxsga nisbatan ayblov hukmi chiqargan.
O‘zbekistonda “Turonbank”ning 98,9 foiz aksiyasi, “O‘zekspomarkaz” va Xalqaro biznes markazidagi davlat ulushlari sotuvga chiqariladi. Xususiylashtirish ro‘yxatiga sug‘urta kompaniyasi, zavodlar, yo‘l korxonalari va bozorlar ham kiritilgan.
O‘zbekistonda OTMlarni tamomlagan mutaxassislarning asosiy qismi mehnat bozorida o‘z o‘rnini topmoqda. Ta’lim sifatini ta’minlash milliy agentligining yangi “Bitiruvchilar sifati indeksi” (BSI) platformasi ma’lumotlariga ko‘ra, ularning bandlik ko‘rsatkichi 83 foizni tashkil etdi.
O‘zbekiston poytaxti Toshkent shahri nufuzli QS Best Student Cities 2027 reytingidan joy olib, talabalar uchun dunyoning eng qulay 146-shahri deb topildi. Mamlakat poytaxti ushbu xalqaro ro‘yxatga birinchi marotaba kiritildi.
Qashqadaryodagi Hisor davlat qo‘riqxonasida joylashgan 4360 metrlik nomsiz cho‘qqiga “Muzqoya”, Jizzaxning Baxmal tumanidagi nomsiz tog‘ga esa “Qirqqiz” nomi berildi. Ushbu nomlar hukumat qarori bilan rasman tasdiqlandi.
O‘zbekiston samolyoti Serbiya hududiga kirishi bilanoq qiruvchi samolyotlar aeroportga kuzatib borgan. Serbiya Prezidenti Aleksandr Vuchich va uning rafiqasi oliy martabali mehmonlarni kutib olgan. Shuningdek davlat rahbari uchun rasmiy qabul marosimi tashki etildi.
Surxondaryoda Sariosiyo tuman Yoshlar markazini ta’mirlash uchun "Tashabbusli budjet" loyihasida ovoz yig‘ish bilan bog‘liq tarqalgan xabarlar yuzasidan xizmat tekshiruvi o‘tkazildi. Tekshiruv natijasida xodimlardan pul yig‘ish bo‘yicha hech qanday buyruq berilmagani aniqlandi.
O‘zini Oliy Hakamlik sudi sudyasi yordamchisi deb tanishtirgan fuqaro S.A. Uchkuprik tumani hokimi lavozimiga joylashtirishni va’da qilib, 210 ming dollar so‘ragan va 100 ming dollarni qo‘liga olgan paytda ashyoviy dalillar bilan ushlandi.
Joriy yilning 1-dekabrdan O‘zbekistonda gidlarga ixtiyoriy asosda malaka toifalari beriladi, malaka sertifikatlari esa muddatsiz rasmiylashtiriladi. Ikki yil davomida gidlik faoliyati bilan shug‘ullanmagan shaxslar malaka imtihonini qayta topshiradi.
Yashnoboddagi maktabda 3-sinf o‘quvchisiga yuqori sinf o‘quvchilari tomonidan majburan yot jism yuttirilgani holatini Bolalar ombudsmani nazoratga oldi. Operatsiya qilingan bolaning ahvoli hozir qoniqarli. Tuman IIB tomonidan tergovga qadar tekshiruv olib borilmoqda.
Yashnobod tumanidagi 151-maktabda ikki o‘quvchi bolaga tahdid qilib, magnitli bilaguzukni majburan yuttirgani aytilmoqda. Onasining so‘zlariga ko‘ra, bola qo‘rqqani uchun voqeani darhol aytmagan, kuchli og‘riqlar bilan shifoxonaga olib borilgach, shoshilinch operatsiya qilingan.
Samarqand viloyati Pastdarg‘om tumanidagi chorva mollari bozorida ikki dona qo‘yini sotgan fuqaro xaridordan olgan 700 AQSh dollari qalbaki bo‘lib chiqqanini ma’lum qildi.
Denovdagi qo‘riqlanmaydigan temir yo‘l kesishmasida “Dushanbe — Volgograd” yo‘nalishidagi poyezd “Gentra” bilan to‘qnashib, avtomobildagi ikki kishi halok bo‘ldi. Haydovchi va ikki yoshli qizaloq jarohatlanib, shifoxonaga olib borildi. Mahalliy aholi kesishmaga shlagbaum o‘rnatishni so‘ramoqda.
O‘zbekistonda mahalla inspektorlarining faoliyatini baholashda eng asosiy ko‘rsatkich sifatida aholi ishonsa ishlaydigan yangi mexanizm yo‘lga qo‘yiladi. Endilikda fuqarolar ovoz berish orqali inspektorni ishdan bo‘shatishgacha bo‘lgan tashabbusni ilgari surishi mumkin.
2026-yil iyul oyida “Bloomberg” agentligi Toshkentda bir o‘zbek tadbirkor bilan suhbat o‘tkazdi. Suhbat davomida u Londonda IPO o‘tkazish niyatini e’lon qildi. Bu Centrum Holding asoschisi va bosh ijrochi direktori – Abdulaziz Abdurahmonov edi.
O‘zbekistonda profilaktika inspektorlarining faoliyat doirasi sezilarli darajada kengaytirildi va ularga bir qator ma’muriy huquqbuzarliklar bo‘yicha bevosita chora ko‘rish huquqi berildi. Shuningdek, xodimning ishiga to‘sqinlik qilganlik uchun alohida javobgarlik belgilanadi.
O‘zbekistonda suyultirilgan gaz yetkazib berishga xususiy operatorlarni jalb qilish rejalashtirilmoqda. Dastlab Andijon viloyatida sinovdan o‘tkaziladigan loyiha doirasida kamida ikki operator xizmat ko‘rsatadi, iste’molchilar uchun mobil ilova va onlayn xizmatlar yo‘lga qo‘yiladi. Shuningdek, ehtiyojmand oilalarga xarid qilingan gazning har bir kilogrammi uchun kompensatsiya to‘lash nazarda tutilmoqda.
Tanzila Norboyeva — O‘zbekiston rahbariyatidagi ikkinchi shaxs va mamlakat tarixida Senatga rahbarlik qilgan ilk ayol. U 2019-yilda Senat Raisi etib saylangan, 2024-yil noyabrida esa bu lavozimga qayta saylangan. Bungacha Vazirlar Mahkamasi tizimi, Kasaba uyushmalari federatsiyasi va Xotin-qizlar qo‘mitasida faoliyat yuritgan siyosatchining hayoti va rahbarlik yo‘li haqida batafsil — Portal 24 maqolasida.
