Uchtepa tumanida aholi o‘z mablag‘i va hashari bilan barpo etgan bolalar hamda futbol maydonchasi joylashgan yer qurilish uchun tadbirkorlik subyektiga ajratilgani ortidan fuqarolar Prezident Xalq qabulxonasiga murojaat qildi. Sud qarori bilan kompaniyaning yerga bo‘lgan huquqi bekor qilinib, hudud aholi foydalanishida qoldirildi.
Qozog‘istonda ikki oy davomida 201 ta korrupsiyaviy huquqbuzarlik aniqlanib, ular oqibatida 3,7 mlrd tenge — qariyb 8 mln dollar zarar yetkazilgan. Jinoyat ishlari doirasida 140 kishi gumonlanuvchi deb topilgan.
2026-yil 26-dekabrdan Toshkent va Mavrikiy o‘rtasida ilk bor to‘g‘ridan-to‘g‘ri aviaqatnovlar boshlanadi. 2027-yil iyunidan ushbu yo‘nalishda haftasiga bir marta muntazam reyslarni amalga oshirish rejalashtirilgan. Yangi yo‘nalish Toshkentning Markaziy Osiyo va MDH mamlakatlari sayyohlari uchun tranzit markazi sifatidagi salohiyatini oshirishi kutilmoqda.
O‘zbekistonda hafta davomida asosan quruq va iliq ob-havo kuzatiladi, ayrim hududlarda esa qisqa muddatli yomg‘ir yog‘ishi kutilmoqda.
Boeing 767-300 rusumidagi samolyot Puerto-Rikoning San-Xuan shahridan Mayamiga parvoz qilgan. Samolyot qo‘nish vaqtida uchish-qo‘nish yo‘lagidan chiqib ketib, halokatga uchragan.
Qashqadaryo viloyatining Mirishkor tumanida dastlabki zaxirasi 2,5 mlrd kub metrga baholangan yangi “Patron” gazkondensat koni ishga tushirildi. Quduqdan sutkasiga 500 ming kub metr tabiiy gaz olinmoqda.
Ma’lumotlarga ko‘ra, Chorvoq suv omborida katerdan suvga sakragan o‘g‘ilni qutqarish uchun avval otasi, so‘ng ikkinchi o‘g‘li suvga tushgan. Suvda ularning oyoq tomirlari torshib qolgani oqibatida uchalasi ham cho‘kib ketgan.
Ukrainalik firibgarlar call-markazlarini Osiyo mamlakatlariga, asosan Tailandga ko‘chirmoqda. O‘zbekiston, Qozog‘iston va Boltiqbo‘yi kabi rus tilida so‘zlashuvchi diaspora ularning dastlabki nishoniga aylanmoqda. Bu haqda Sberbank rahbariyati ma’lum qilgan.
Xorazmlik tadbirkor unga 824 million so‘mdan ortiq jarima qo‘llanganini aytib, ijtimoiy tarmoqlarda videomurojaat bilan chiqdi. U murojaatida bunday katta summani to‘lashga imkoniyati yo‘qligini bildirib, yordam so‘ragan. MIB qarzdorlik soliq majburiyatlari natijasida yuzaga kelganini tushuntirdi. Biznes-ombudsman holatni o‘rganmoqda.
Ayubxon Yunusov O‘zbekistonning Suriyadagi elchisi sifatida ish boshladi. U 2024-yildan buyon O‘zbekistonning Kuvaytdagi, 2025-yildan esa Iroqdagi elchisi sifatida ham faoliyat yuritib kelmoqda.
2026-yilda O‘zbekistondan doimiy yashash uchun ko‘chib ketganlar soni 2025-yilning mos davriga nisbatan 2,3 foizga qisqardi. Migrantlarning asosiy qismi Qozog‘iston va Rossiyani tanlagan.
Xorazm Ma’mun akademiyasi arxeologlari Tuproqqal’a tumanida bronza davriga mansub noyob qabristonni aniqladi. Toshdan yasalgan qabrlarda jasadlar g‘ujanak holatida ko‘milgani va ularning qadimiy Sirdaryo madaniyati bilan bog‘liqligi ma’lum bo‘ldi.
Qirg‘izistonning Jalolobod viloyatida Xitoy-Qirg‘iziston-O‘zbekiston temiryo‘li magistralining eng baland ko‘prigi barpo etilmoqda. Transport vazirligi bergan ma’lumotga ko‘ra, ushbu inshootning umumiy balandligi 122 metrni tashkil qiladi.
AQShning Sietl shahrida O‘zbekiston Bosh konsulxonasining rasmiy ochilish marosimi bo‘lib o‘tdi. Yangi diplomatik vakolatxonaga Ilgari TIV matbuot kotibi lavozimida ishlagan Ahror Burxonov Bosh konsul etib tayinlandi.
Qozog‘istonning FlyArystan aviakompaniyasi Olmaota-Urganch yo‘nalishi bo‘yicha muntazam parvozlarni boshladi. Yangi havo yo‘lagi Xorazm viloyatiga xorijiy sayyohlar oqimini oshirish hamda ikki davlat o‘rtasidagi turizm aloqalarini rivojlantirishga xizmat qiladi.
Joriy yilning yanvar-avgust oylarida mamlakatimizda taksi agregatorlari orqali amalga oshirilgan xizmatlar aylanmasi 7,2 trillion so‘mdan oshdi. Sohada qariyb yarim millionga yaqin fuqaro o‘zini o‘zi band qilgan holda daromad topmoqda.
O‘zbekistonda davlat organlariga yo‘llangan murojaatlarga berilgan javoblar ustidan bevosita nazorat o‘rnatildi. Endi fuqarolar SMS orqali amaldorlarning javobiga “E’tirozim bor” tugmasini bosib, ishni qayta ko‘rib chiqishga yuborish imkoniga ega bo‘ldi.
Tojikiston poytaxtida balandligi 340 metr bo‘lgan 77 qavatli “Dushanbe minorasi” qurilishiga fotiha berildi. Mintaqadagi eng baland inshootga aylanuvchi ushbu ulkan majmuani barpo etishda O‘zbekiston kompaniyalari ham ishtirok etishi ma’lum qilindi.
Toshkent va Samarqand BMTning Oziq-ovqat va qishloq xo‘jaligi tashkiloti (FAO) tomonidan yo‘lga qo‘yilgan “Yashil shaharlar” tarmog‘iga rasman a’zo bo‘ldi. Bu maqom poytaxtdagi og‘ir ekologik vaziyatni o‘zgarmaydi, biroq xalqaro grantlar hamda yashil texnologiyalarni jalb qilish imkonini beradi.
O‘zbekistonda tibbiyot va farmatsevtika xodimlarini davlat ro‘yxatidan o‘tkazish va uzluksiz kredit to‘plash tizimini joriy etish taklif qilinmoqda. Yangi tartibga ko‘ra, reyestrga kirmagan mutaxassislarga sohada ishlash taqiqlanadi, ertaroq imtihon topshirganlarga esa katta miqdorda ustama to‘lanadi.
