Alisher Usmonov “Everton” futbol klubiga qaytib, yirik sarmoya kiritish imkoniyatlarini ko‘rib chiqmoqda
Bu haqda jurnalist Alan Breyzil o‘z manbalariga tayanib xabar tarqatdi.
Garchi bu ma’lumot hozircha rasman tasdiqlanmagan bo‘lsa-da, manbalar Usmonovning Liverpul klubiga qaytish uchun harakat qilayotganini bildirmoqda. Forbes ma’lumotlariga ko‘ra, tadbirkorning boyligi 12,5 milliard yevro deb baholanmoqda. “Everton” 2022-yil mart oyida milliarderga aloqador kompaniyalar bilan barcha homiylik shartnomalarini bekor qilgan edi.
Ta’kidlash joizki, Alisher Usmonov Yevropa Ittifoqining sanksiyalar ro‘yxatidan chiqarilgan bo‘lsa-da, Buyuk Britaniya tomonidan unga nisbatan kiritilgan mamlakatga kirish taqiqi hamda aktivlarni muzlatish choralari hali ham o‘z kuchida qolmoqda. Shu sababli, uning ingliz klubiga ehtimoliy qaytishi va sarmoya kiritishi amaldagi huquqiy cheklovlarga ularning bekor qilinishiga bevosita bog‘liq bo‘ladi.
