Bahodir Jalolov Londonda britaniyalik Solomon Dakresni mag‘lub etib, professional boksda 18-g‘alabasini tantana qildi
U britaniyalik raqibi Solomon Dakresga qarshi ringga ko‘tarilib, hakamlarning yakdil qarori bilan ishonchli g‘alabaga erishdi.
To‘liq 10 raund davom etgan to‘qnashuvda Jalolov harakat va zarbalar bo‘yicha aniq ustunlik namoyish etdi. Xususan, bahsning beshinchi raundida o‘zbekistonlik bokschi kuchli zarba evaziga Dakresni nokdaun holatiga tushirishga muvaffaq bo‘ldi. Yakunda hakamlar bir ovozdan 99:91 hisobida Jalolovning ustunligini e’tirof etishdi.
Ushbu muvaffaqiyat orqali Bahodir Jalolov professional ringdagi mag‘lubiyatsiz seriyasini 18 ta g‘alabaga yetkazdi. Ushbu g‘alabalarning 15 tasi muddatidan oldin, ya’ni nokaut bilan qo‘lga kiritilgan. Eslatib o‘tamiz, bokschi bundan avvalgi jangini 2026-yilning may oyida Agron Smakichga qarshi o‘tkazib, texnik nokaut bilan zafar quchgan edi.
