Qo‘shni davlatlarda Ramazon oyi 8-fevraldan boshlanishi kutilmoqda
Diniy bayramlar va Ramazon oyining aniq sanalari oy yaqinlashganda rasman e’lon qilinishi ma’lum qilingan.
Qozog‘iston musulmonlari diniy boshqarmasi tomonidan taqdim etilgan taqvimga ko‘ra, Qadr kechasi 5-martdan 6-martga o‘tar kechasiga, Ramazon hayiti 9-martga to‘g‘ri kelishi kutilmoqda.
Qurbon hayiti esa 16-18-may kunlari nishonlanishi rejalashtirilgan. Hijriy oylarning boshi xalqaro astronomik tadqiqot markazlari xulosalariga tayanib belgilansada, yangi oyning ko‘rinishiga qarab sanalar bir kunga o‘zgarishi mumkin.
Ta’kidlash joizki, so‘nggi yetti yil davomida Qirg‘iziston va Qozog‘iston hududida ro‘za tutish bir kunda boshlangan. Xususan, 2020-2026-yillar oralig‘ida har ikki davlatda ham Ramazon oyi bir vaqtda kirib kelgan.
Mutasaddilarning bildirishicha, 2027-yilda ham ushbu an’ana saqlanib qolishi va har ikki mamlakatda ro‘za bir kunda boshlanishi kutilmoqda, biroq yakuniy qaror yangi oy ko‘rinishiga qarab tasdiqlanadi.
