OTMlarda kontrakt to‘lash hamda qabulni rasmiylashtirish muddati 1-noyabrga qadar uzaytirildi
Mazkur qaror talabalar va ularning ota-onalariga to‘lovlarni amalga oshirishda qo‘shimcha qulaylik yaratish maqsadida qabul qilingan.
Yangi belgilangan muddat bakalavriat va magistraturaga tabaqalashtirilgan to‘lov-kontrakt asosida o‘qishga kirganlar, shuningdek, o‘qishini ko‘chirayotgan, qayta tiklayotgan yoki ta’limini davom ettirayotgan talabalarga ham taalluqlidir.
Belgilangan sanaga qadar bazaviy kontrakt asosida o‘qiyotganlar yillik to‘lovning kamida 25 foizini, tabaqalashtirilgan to‘lov-kontraktdagilar esa kamida 50 foizini to‘lashlari talab etiladi.
Shu bilan birga, 2026/2027-o‘quv yilidan e’tiboran davlat OTMlarida kunduzgi ta’lim shaklida tahsil olayotgan pedagog xodimlarning farzandlari uchun kontrakt qiymatining 30 foizi qoplab berilmoqda.
Ushbu kompensatsiyani rasmiylashtirish uchun arizalar kontrakt.edu.uz elektron platformasi orqali onlayn tartibda qabul qilinadi.
