2026-yilning 7 oyida prokuratura organlari OAVda ko‘tarilgan muammolarni o‘rganish natijasida 17 nafar shaxs intizomiy va ma’muriy javobgarlikka tortildi, 10 ta taqdimnoma kiritildi, 15 ta jinoyat ishi qo‘zg‘atildi. Shuningdek, 55 nafar fuqaroning buzilgan huquqlari tiklandi.
Toshkentda tarmoqlarda SSSR sobiq tuzumini qayta tiklashni targ‘ib qilgan va respublika mustaqilligiga qarshi chiqqan Aziz Hakimov 4 yil-u 2 oyga ozodlikdan mahrum etildi.
2026-yilning yanvar–iyul oylarida O‘zbekistonga 7,7 milliondan ortiq xorijiy sayyoh tashrif buyurdi va turistik xizmatlar eksporti 3,9 milliard dollarga yetdi. Aviatsiya infratuzilmasining kengayishi, yangi qatnovlar hamda mehmonxonalarning ko‘payishi sohadagi keskin o‘sishni ta’minlamoqda.
O‘zbekiston Tashqi ishlar vaziri Baxtiyor Saidov Germaniyaning Toshkentdagi yangi elchisi Mattias Follertni qabul qildi. Tomonlar siyosiy muloqotni rivojlantirish va oliy darajadagi kelishuvlarni amalga oshirish masalalarini muhokama qilgan.
Prezident Shavkat Mirziyoyev neft-gaz bozori barqarorligini ta’minlash va ichki talabni qondirish bo‘yicha taqdimot bilan tanishdi. Avgust oyida 27 ta yangi quduq ishga tushirilib, yil yakunigacha suyultirilgan gaz ishlab chiqarish 606 ming tonnaga yetkaziladi.
Mirzo Ulug‘bek tumanidagi elektr kabeli uzilib, yo‘lovchi avtobusi ustiga tushgan. Uzilib tushgan elektr tarmog‘i iste’molchi tasarrufida bo‘lgani ma’lum qilindi. Hodisa oqibatida fuqarolar va transport vositalariga zarar yetmagan.
Nijnekamsk shahrida 10-avgust kuni sodir bo‘lgan dronlar hujumi oqibatida halok bo‘lgan 8 nafar O‘zbekiston fuqarosining jasadlari 12-avgust kuni maxsus aviareys orqali Vatanga olib kelindi. Jabrlanganlarga yordam ko‘rsatish ishlari davom etmoqda.
Oʻzbekiston Respublikasi Prezidentining PF-257-son farmoniga koʻra, Mustaqilligimizning 35 yilligi bayrami munosabati bilan 31-avgust ham qoʻshimcha ishlanmaydigan kun etib belgilandi.
“Tolibon” harakati 2021-yil avgustida hokimiyatga qaytganidan so‘ng, Afg‘onistonning 10 ta viloyatida kamida 231 nafar ayol o‘ldirilgan. Himoya mexanizmlarining yo‘q qilingani tufayli mamlakatda xotin-qizlarga nisbatan tizimli zo‘ravonlik davom etmoqda.
2026-yil 12-avgust kuni soat 00:00 dan 06:00 gacha Bektemir tumanining bir qator mahallalarida elektr energiyasi ta’minotida vaqtinchalik uzilishlar kuzatiladi. Bu ishlar yangi qurilgan 110/35/10 kV “Iyik Ota” podstansiyasini tarmoqqa ulash bilan bog‘liq.
2016-yil dekabridan buyon O‘zbekistonda 25 339 nafar fuqaroligi bo‘lmagan shaxs mamlakat fuqaroligiga qabul qilindi. 2020-yildan beri esa yana 66 189 kishining O‘zbekiston fuqaroligi tan olinib, ularga ID-karta yoki pasport rasmiylashtirildi.
Anqaradagi NATO sammiti tugagach, AQSHga yoʻl olgan Donald Tramp Eron tomonidan samolyotga raketa hujumi qilinishi xavfi borligi sababli hiyla ishlatishiga to‘g‘ri keldi.
Navoiy shahar hokimligi Hayot mahallasidagi obodonlashtirish ishlarini aks ettirgani fotosuratlarda sun’iy intellektdan foydalanilgani uchun jamoatchilikdan uzr so‘radi. Hokimlik mas’ul xodimlar e’tiborsizligiga yo‘l qo‘yilganini tan olib, kelgusida bunday holatlarga yo‘l qo‘ymaslik uchun nazorat kuchaytirilishini bildirdi.
Tatariston rahbari Rustam Minnixanov Nijnekamskdagi dron hujumi oqibatida halok bo‘lgan O‘zbekiston va Tojikiston fuqarolari yuzasidan Shavkat Mirziyoyev va Emomali Rahmonga hamdardlik bildirdi. Hujum oqibatida 13 kishi, jumladan, 8 nafar O‘zbekiston fuqarosi halok bo‘lgan.
2026-yilning birinchi yarmida O‘zbekistonga ta’lim olish maqsadida 21 mingdan ortiq chet el fuqarosi tashrif buyurdi va bu ko‘rsatkich o‘tgan yilgiga nisbatan 2,2 baravarga ko‘paydi.
10-avgust kuni O‘zbekistonda navbatdagi “Avtomobilsiz kun” o‘tkazilmoqda. Qonunchilikda xizmat mashinasida yurgan amaldorlar uchun alohida jarima belgilanmagan bo‘lsa-da, ular mehnat va ijro intizomini buzgani uchun jazolanishi mumkin.
Dunyo iqtisodiyoti urushlar sabab ziyon ko‘rayotgan bir paytda, Pxenyan Rossiyaga qurol va harbiylarni yetkazib berish evaziga so‘nggi 35 yildagi eng qudratli iqtisodiy ko‘rsatkichiga erishdi.
Nijnekamsk shahriga uyushtirilgan uchuvchisiz uchoqlar zarbasi oqibatida 13 kishi vafot etdi, halok bo‘lganlar orasida O‘zbekiston va Tojikiston fuqarolari bor.
Samarqand shahrining hududi 17 226,5 gektarga kengaytirilishi rejalashtirilmoqda. Senat qaroriga ko‘ra, Samarqand tumani tugatilib, uning 28 295 gektar yer maydoni Toyloq tumaniga o‘tkaziladi.
2026-yilning birinchi yarmida O‘zbekiston 195 mamlakat bilan savdo qildi va eng yirik tovar ayirboshlash hajmi Xitoy hamda Rossiya ulushiga to‘g‘ri keldi.
