Ukrainaning Tataristonga dron hujumi oqibatida 7 nafar o‘zbekistonlik halok bo‘ldi
10-avgust kuni ertalab Ukrainaga tegishli dronlarning Tataristonning Nijnekamsk shahridagi obyektlarga bergan zarbasi oqibatida 13 kishi halok bo‘ldi, yana 39 kishi turli darajada jarohatlandi.
O‘zbekistonning Qozondagi Bosh konsulxonasi ushbu hujum natijasida 7 nafar O‘zbekiston fuqarosi vafot etganini rasman tasdiqladi va marhumlarning yaqinlariga hamdardlik bildirdi.
Hozirda Bosh konsulxona Rossiyaning mas’ul idoralari va tergov organlari bilan doimiy aloqa o‘rnatgan. Zaruriy rasmiy jarayonlar hamda ekspertizalar yakunlangach, vafot etgan fuqarolarning jasadlari O‘zbekistonga olib kelinadi.
