“Ma’lumotlar asossiz tuxmatdan iborat” – Safe service
Ijtimoiy tarmoqlarda “SafeRoad bazasi sotilmoqda, millionlab haydovchilarning pasporti va shaxsiy ma’lumotlari qora bozorga chiqib ketdi” mazmunidagi xabarlar tarqaldi. Kompaniya ushbu da’volarni “asossiz” deb topdi va quyidagilarni ma’lum qildi
Tarmoqda sotilgani aytilayotgan ma’lumotlar ilova ishga tushirilishidan ancha oldin turli manbalardan yig‘ilgan eski ma’lumotlar bo‘lib, ularning SafeService’ga mutlaqo aloqasi yo‘q. Hozirda botlar orqali tarqatilayotgan feyk rasmlar va ma’lumotlar kompaniyaga aloqador emas.
1-sentyabrdan boshlab “SafeRoad” brendi mavjud emas. Kompaniya rasman SafeService sifatida rebrending qilgan. Eski brend logotipidan foydalangan holda tarqatilayotgan yolg‘on xabarlarga ishonmaslik so‘ralgan.
Haydovchilarning shaxsiy ma’lumotlari O‘zbekiston qonunchiligiga muvofiq maxsus himoyalangan serverlarda saqlanadi va shifrlangan shaklda uzatiladi.
“Tarqatilayotgan bunday soxta xabarlar bozorda nosog‘lom raqobatni keltirib chiqarish maqsadida amalga oshirilmoqda”, deyiladi kompaniya xabarida.
Shuningdek, mazkur holat bo‘yicha huquqbuzarliklarning manbasini aniqlash va chora ko‘rish uchun tegishli davlat organlari bilan hamkorlikda ish olib borilayotgani bildirilgan.
