O‘zbekiston yarim yilda turizmdan qariyb 4 milliard dollar daromad olib, rekord o‘rnatdi
o‘zbekistonga joriy yilninhg yanvar-iyul oylarida mamlakatga 7 749 307 nafar xorijiy turist kelgan bo‘lib, bu o‘tgan yilning mos davriga nisbatan 22,6 foizga ko‘pdir. Bu haqda Turizm qo‘mitasi ma’lum qildi. Taqqoslash uchun, respublikaga 2023-yilda 6,6 million, 2024-yilda 10 milliondan ziyod, 2025-yilda esa 11,7 million xorijiy sayyoh tashrif buyurgan.
Yilning birinchi yarmida mamlakat aeroportlari 8,15 million yo‘lovchiga xizmat ko‘rsatgan (+16 foiz). Jami 64 831 ta reys amalga oshirilib, shundan 47 371 tasi xalqaro yo‘nalishlarga to‘g‘ri kelgan (+12 foiz). Xalqaro reys yo‘lovchilari soni 6,7 million kishini tashkil etgan (+15,4 foiz). Shuningdek, aeroportlarda yuk va pochta ishlov berish hajmi 33 foizga oshib, 51,5 ming tonnaga yetgan.
Bundan tashqari, to‘g‘ridan-to‘g‘ri qatnovlar doirasi sezilarli darajada kengaygan. Toshkentga “China Eastern” (Shanxay), “Asiana Airlines” (Seul), “Shirak Avia” (Yerevan) hamda “Etihad Airways” (Abu-Dabi) aviakompaniyalari to‘g‘ridan-to‘g‘ri reyslarni yo‘lga qo‘ygan. Hududiy aeroportlarda ham yo‘lovchi oqimi ortgan; Termizda 52 foiz, Urganchda 24 foiz, Nukusda esa 23 foiz o‘sish qayd etilgan.
Sayyohlarni joylashtirish bazasini kengaytirish maqsadida 7 oy ichida 22 296 o‘rinli 705 ta yangi joylashtirish ob'ekti tashkil etilgan. Natijada respublika bo‘yicha ularning umumiy soni 7 440 taga, o‘rinlar soni esa 202,6 mingtaga yetdi.
Sohadagi iqtisodiy ko‘rsatkichlar ham rekord darajaga chiqdi; yanvar–iyul oylarida turistik xizmatlar eksporti hajmi 3 895,7 million AQSh dollarini tashkil etib, o‘tgan yilgiga nisbatan 56 foizga o‘sgan.
