Tashqi savdoning teng yarmi Xitoy va Rossiyaga to‘g‘ri keldi. O‘zbekistonning asosiy hamkorlari ro‘yxati e’lon qilindi
Milliy statistika qo‘mitasi ma’lumotlariga ko‘ra, yanvar-iyun oylarida mamlakatning tashqi savdo aylanmasida Xitoy yetakchilikni saqlab qoldi – 9,5 milliard dollar. Ikkinchi o‘rinni 7 milliard dollar ko‘rsatkich bilan Rossiya, uchinchi o‘rinni esa 2,8 milliard dollar bilan Qozog‘iston egalladi.
Top-10 savdo hamkorlari ro‘yxatidan, shuningdek, Turkiya (1,4 milliard dollar), Afg‘oniston (1,1 milliard dollar), Koreya Respublikasi (940 million dollar), Fransiya (890,9 million dollar), BAA (807,7 million dollar), Qirg‘iziston (624,6 million dollar) va Germaniya (623,2 million dollar) joy oldi.
Umuman olganda, dastlabki olti oyda O‘zbekiston savdo aloqalarining asosiy ulushi Markaziy Osiyo va yirik jahon bozorlari hisobiga to‘g‘ri kelgan.
