Kim Chen In Rossiya urushi ortidan 22 milliard dollar ishlab oldi
Bloomberg Economics hisob-kitoblariga ko‘ra, 2022–2025-yillar oralig‘ida Shimoliy Koreya Moskva bilan harbiy hamkorlik ortidan 22 milliard dollar miqdorida valyuta va resurslarga ega bo‘lgan. Pxenyan Rossiya armiyasining artilleriya o‘qlariga bo‘lgan ehtiyojining 50 foizigacha qismini qoplab kelmoqda va 20 bin nafargacha harbiy xizmatchi yuborgan.
Rossiya tomondan kelayotgan moliyaviy oqim va texnologiyalar evaziga Janubiy Koreya Markaziy banki Pxenyan iqtisodiyoti 2025-yilda 3,5 foizga o‘sganini qayd etdi. Kim Chen In ushbu mablag‘larni yadro hamda harbiy salohiyatni keskin oshirishga, jumladan, yangi suv osti va usti harbiy kemalari hamda ballistik raketalar ishlab chiqarishga yo‘naltirmoqda.
Shuningdek, Ukraina razvedkasi Rossiyaning Voronej viloyatida Shimoliy Koreya harbiylaridan iborat alohida raketa bo‘linmasi tuzilayotganini va Moskva yangi ballistik raketalar partiyasini qabul qilib olganini ma’lum qildi.
