Afg‘onistonda “Tolibon” hokimiyatga kelganidan beri 231 ta ayollar o‘limi qayd etildi
The Guardian va Zan Times nashrlari o‘tkazgan surishtiruvga ko‘ra, so‘nggi yillarda 10 ta viloyatda qayd etilgan 231 ta ayollar o‘limidan 174 tasini mahalliy OAV yoritgan, yana 57 tasini esa jurnalistlarning o‘zi aniqlagan. Qurbonlarning yoshi 5 dan 65 yoshgacha bo‘lib, ularning 165 nafari uy bekasi va moddiy jihatdan qaram insonlar bo‘lgan.
O‘lim holatlarining 20 foizdan ortig‘i, tanadagi kalak va zo‘ravonlik belgilariga qaramay, rasman o‘zini o‘zi o‘ldirish deb baholangan. Gumondorlar faqat 58 ta holatdagina ushlangan va ularning ayrimlari 24 soat ichida qo‘yib yuborilgan.
“Tolibon” hokimiyatga kelgach, Ayollar ishlari vazirligi, zo‘ravonlik holatlarini tergov qiluvchi maxsus prokuratura va boshpanalar tarmog‘ini tugatgan. Shuningdek, 250 nafarga yaqin ayol sudyalar va prokurorlar lavozimidan chetlatilgan. Surishtiruv mualliflarining ta’kidlashicha, haqiqiy talofatlar soni bundan ancha yuqori bo‘lishi mumkin, chunki ma’lumotlar barcha viloyatlarni qamrab olmagan.
