Germaniyaning yangi elchisi Toshkentga keldi
Tashqi ishlar vazirligida o‘tgan uchrashuvda O‘zbekiston-Germaniya hamkorligining dolzarb mavzulari va qo‘shma loyihalar ijrosi ko‘rib chiqildi. Baxtiyor Saidov Germaniyani Yevropadagi ishonchli va vaqt sinovidan o‘tgan hamkor deb atadi hamda oliy darajadagi muloqotlar ikki taraflama aloqalarni izchil mustahkamlayotganini ta’kidlagan.
Germaniyaning yangi Favqulodda va Muxtor elchisi Mattias Follert ushbu lavozimda 2020–2024-yillarda ishlagan Manfred Hutererning o‘rnini egalladi. Follert o‘zbek tilidagi murojaatida mamlakatlar o‘rtasidagi aloqalarni yanada chuqurlashtirishga tayyorligini bildirdi.
Ma’lumot uchun, O‘zbekiston va Germaniya o‘rtasida diplomatik munosabatlar 1992-yil mart oyida o‘rnatilgan.
