Argentina terma jamoasi sardori Lionel Messi IFFHS talqiniga ko‘ra 2026-yilgi Jahon chempionatining eng yaxshi futbolchisi deb topildi. U musobaqa davomida gollar va golli uzatmalar bo‘yicha yangi rekordlarni qayd etdi.
Joriy yilning birinchi yarmida O‘zbekistonda elektr energiyasi yo‘qotishi 17,2 foizni, gaz yo‘qotishlari esa 7,6 foizni tashkil etdi. Energetika infratuzilmasi uchun kelgusi 10 yilda 8 milliard dollar talab etilishi ma’lum qilindi.
Prezident Shavkat Mirziyoyev tanishgan taqdimotga ko‘ra, yil yakunigacha $600 millionlik loyihalar doirasida 310 ming aholi ilk bor markazlashgan suvga ulanadi, 2,5 million aholining suv ta’minoti yaxshilanadi.
Prezident Shavkat Mirziyoyev Belarusdagi elchi Rahmatulla Nazarovni investitsiya va savdo masalalariga befarqligi uchun lavozimidan ozod etdi. Shuningdek, Saida Mirziyoyevaga diplomatik vakolatxonalar ishini tahlil qilib, samarasiz elchilarni almashtirish bo‘yicha taklif kiritish topshirildi.
O‘zbekistonda banklar va to‘lov tashkilotlarining kiberxavfsizlik bo‘yicha mas’uliyatini kuchaytirish rejalashtirilmoqda. Qonunchilik palatasida qabul qilingan qonun loyihasiga ko‘ra, agar bank yoki to‘lov tizimi operatori kiberxavfsizlik talablariga rioya qilmasa yoxud firibgarlik (frod) operatsiyalarining oldini olish choralarini ko‘rmasa va buning oqibatida mijoz moddiy zarar ko‘rsa, ushbu zarar moliyaviy tashkilot tomonidan qoplanadi.
Germaniya kansleri bilan uchrashuv oldidan ozarbayjonlik bir guruh faollar Prezident Ilhom Aliyevga qarshi norozilik aksiyasini o‘tkazdi va uni diktaturada aybladi.
Farg‘ona viloyati Quva tumani hokimi Halimjon Umarov fermerlar bilan o‘tkazilgan yig‘ilishda davlat fuqarolik xizmatchisiga qo'pol munosabatda bo'lib, haqorat qilgani. Korrupsiyaga qarshi kurashish agentligi xizmat tekshiruvi o‘tkazish hamda huquqiy baho berish bo‘yicha taqdimnoma kiritdi.
Yangihayot tumanidagi ko‘p qavatli xonadonda nosoz gaz qurilmasi sababli havo-gaz aralashmasi chaqnadi. Oqibatda ikki nafar fuqaro yengil tan jarohati oldi.
Polshada o‘lim bilan yakunlangan YTH sodir etib, 3 yilga qamalgan namanganlik fuqaro I.M. elchixona va mahalliy idoralar muzokaralari natijasida muddatidan ilgari shartli ozod qilindi hamda O‘zbekistonga qaytarildi.
Jomboy tumanidagi Mingtepa yodgorligida olib borilgan qazishmalar davomida VIII asrning birinchi yarmiga mansub hukmdorlar saroyi qoldiqlari hamda noyob haykaltaroshlik namunalari aniqlandi.
Saudiya Arabistoni berilgan kundan boshlab 1 yil davomida amal qiluvchi ko‘p martalik Umra vizasini yo‘lga qo‘ydi. Viza egalari mamlakatda umumiy hisobda 90 kungacha bo‘lishlari mumkin.
Sanoat va eksport rejalarini bajarmagan 17 nafar tuman va shahar hokimlarining lavozimiga loyiqligi masalasi bugun ko‘rib chiqiladi. 9 oy yakuni bo‘yicha o‘zgarish bo‘lmasa, viloyat hokimi o‘rinbosarlari ham chora ko‘riladi.
Madaniy meros obyekti hisoblangan “Moviy gumbaz” kafesining tom qismida noqonuniy ta’mirlash ishlari olib borilayotgani aniqlandi va Madaniy meros agentligi tomonidan zudlik bilan to‘xtatildi.
Adliya vazirligi bank faoliyatiga ruxsat berish tartibiga o‘zgartirishlarni ro‘yxatdan o‘tkazdi. Unga ko‘ra, O‘zbekistonda islomiy banklar va an’anaviy banklar qoshida “islomiy darchalar” ochishning huquqiy asoslari hamda yangi talablari belgilandi.
Davlat mehnat inspeksiyasi 2026-yilning birinchi yarim yilligida fuqarolarning bexabar ishga joylashtirilishi bo‘yicha 1 495 ta murojaatni o‘rganib chiqdi. Natijada 143 ta tashkilot rahbariga chora ko‘rildi.
Xalq deputatlari Toshkent viloyati Kengashi qarori bilan hududda jamoat transporti uchun yangi tariflar tasdiqlandi. Naqd to‘lov 2 600 so‘m, karta orqali esa 2 000 so‘m etib belgilandi.
FIFA JCH-2026 yakunlariga ko‘ra eng tezkor futbolchilar reytingini e’lon qildi. O‘zbekiston milliy terma jamoasi himoyachisi Abduqodir Husanov soatiga 36,46 km tezlik ko‘rsatib, umumiy ro‘yxatda 6-o‘rinni, himoyachilar orasida esa 3-o‘rinni egalladi.
Afg‘oniston shimoli-sharqidagi Nuriston viloyatida yuz bergan kuchli suv toshqinlari oqibatida kamida 20 kishi halok bo‘ldi, 80 nafari jarahotlandi va 100 dan ortiq odam bedarak yo‘qoldi.
Toshkent metropoliteniga yana zamonaviy rusumdagi 3 ta yangi harakat tarkibi olib kelindi. 2026-yil sentyabr oyiga qadar, yana 8 ta 4 vagonli harakat tarkiblari xarid qilinishi rejalashtirilgan.
Jamoatchilik faoli Shahnoza Soatova Qonunchilik palatasi qabul qilgan alifbo o‘zgartirishlari atrofidagi muhokamalarga munosabat bildirib, islohotlar ortiqcha xarajat va shoshilinch almashtirishlarga sabab bo‘lmasligini ta’kidladi.
