Alifboga tuzatishlar ortiqcha xarajat talab qilmaydi
Adliya vazirining maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi Shahnoza Soatova Qonunchilik palatasi tomonidan qabul qilingan alifboga tuzatishlar kiritish haqidagi qonun loyihasi atrofidagi bahslarga munosabat bildirdi.
Uning ta’kidlashicha, alifbo tuzatishlari sababli shoshilinch va ortiqcha xarajatlarga yo‘l qo‘yilmaydi. Rasmiy hujjatlar, davlat belgilari hamda darsliklar o‘z muddati kelgunga qadar o‘z kuchida qoladi va barcha o‘zgarishlar bosqichma-bosqich amalga oshiriladi.
Soatova alifbo islohoti ortida kimmadir tijoriy yoki shaxsiy manfaat borligi haqidagi mish-mishlar hesh qanday asosga ega emasligini bildirdi. Tilshunos va mutaxassislarning fikricha, o‘zbek alifbosini raqamli zamonga moslashtirish va rivojlantirish ehtiyoji allaqachon yetilgan.
Shu bois, alifbodagi o‘zgarishlar alohida xarajatlar bilan emas, balki sohani rivojlantirishning mantiqiy va bosqichm-bosqich qadami sifatida baholanishi lozim.
Avvalroq lotin alifbosini yangilash bo‘yicha qonun loyihasi qabul qilingan edi. Hujjat bilan lotin yozuviga asoslangan o‘zbek alifbosi 26 ta harf va 3 ta harflar birikmasi o‘rniga 28 ta harf va 1 ta tutuq belgisidan tashkil topishi, shuningdek, ayrim harflarning qo‘llanilishiga aniqlik kiritilishi nazarda tutilmoqda.
