Messi 2026-yilgi Jahon chempionatida ikkita yangi rekord o‘rnatdi va eng yaxshi o‘yinchi deb topildi
Xalqaro futbol tarixi va statistikasi federatsiyasi (IFFHS) Argentina terma jamoasi hujumchisi Lionel Messini 2026-yilgi Jahon chempionatining eng yaxshi futbolchisi deb e’lon qildi. Tashkilot ushbu qaror subyektiv fikrlarga emas, balki faqat xolis va ishonchli statistik ko‘rsatkichlarga tayanib qabul qilinganini ta’kidladi.
39 yoshli hujumchi turnir davomida 8 ta uchrashuvda maydonga tushib, 8 ta gol urdi va 4 ta golli uzatmani amalga oshirdi. Argentina terma jamoasi finalda Ispaniyaga qo‘shimcha vaqtlarda 1:0 hisobida imkoniyatni boy berib, kumush medallarga ega chiqdi.
O‘z faoliyatidagi oltinchi Jahon chempionatida qatnashgan Messi musobaqa tarixidagi umumiy gollari sonini 21 taga, golli uzatmalarini esa 11 taga yetkazib, har ikki ko‘rsatkich bo‘yicha yangi rekord o‘rnatdi. Hozirda Jahon chempionatlari tarixidagi eng yaxshi to‘purarlar ro‘yxatida faqat Fransiya terma jamoasi hujumchisi Kilian Mbappe (22 gol) Messidan oldinda bormoqda.
Avvalroq Abduqodir Husanov JCH-2026 ning eng tezkor top-6 futbolchisi safiga kirgan edi.
