“Tashabbusli budjet”ning 2026-yilgi ikkinchi mavsumida takliflar qabuli yakunlandi. 15-iyuldan 3-avgustga qadar davom etgan bosqichda fuqarolar tomonidan 23 551 ta loyiha topshirildi.
Nyu-Yorkda BMT Bosh Assambleyasi Shavkat Mirziyoyev ilgari surgan “Ijtimoiy rivojlanishni jadallashtirishda parlamentlarning rolini kuchaytirish to‘g‘risida”gi rezolyutsiyani ma’qulladi.
Bu yilgi test sinovlarida qatnashgan 622 mingga yaqin abituriyentning 234 mingdan ortig‘i oliy ta’lim muassasalariga kirish uchun belgilangan eng kam 56,7 ballik bo‘sag‘adan o‘ta olmadi.
AQSH turistlar va ishbilarmonlarning mamlakatda noqonuniy qolib ketishining oldini olish maqsadida B-1/B-2 vizalari uchun 20 ming dollargacha garov depozitini nazarda tutuvchi Visa Bond Program dasturini amaliyotga kiritdi.
Toshkent shahar prokuraturasi Yakkasaroy tumanida imzo chekilmagan va ko‘chirish yakunlanmagan xonadonni o‘zboshimchalik bilan buzib tashlagan hamda noqonuniy ravishda ko‘p qavatli binolar qurgan “Mega Logistics Servise” MChJ mansabdorlariga nisbatan jinoyat ishi qo‘zg‘atdi.
Chilonzor tumanidagi “Qatortol” ko‘chasi va bozori atrofida uzoq yillar piyodalar yo‘laklarini egallab turgan noqonuniy qurilmalar olib tashlanmoqda. Bu orqali piyodalar uchun mo‘ljallangan hududlarni qayta tiklash ko‘zda tutilgan.
Turkiyada 1,5 yildan beri yashirinib yurgan va firibgarlikda ayblanib xalqaro qidiruvga berilgan shaxs ikki davlat huquqni muhofaza qiluvchi organlari hamkorligida qo‘lga olindi va O‘zbekistonga ekstraditsiya qilindi.
Soliq qo‘mitasi iyun oyi uchun 5,5 milliondan ortiq iste’molchiga 112,8 milliard so‘mlik keshbek to‘lovlarini tasdiqladi. Shu bilan birga, soxta cheklarni skanerlagan 96 mingdan ortiq fuqaro shubhali xaridorlar reyestriga kiritildi.
O‘zbekistonda imtiyozli transport xizmatlaridan foydalanish tartibi o‘zgartiriladi. 2027-yil 1-yanvardan boshlab imtiyozli avia, temir yo‘l va shaharlararo avtobus chiptalarini “Baraka” ijtimoiy karta mobil ilovasi orqali onlayn xarid qilish imkoniyati yaratiladi.
Moliyaviy inqiroz tufayli safar o‘yiniga bora olmasdan texnik mag‘lubiyatga uchragan va chetlashtirish yoqasiga kelib qolgan “Bunyodkor” futbol klubiga davlat tomonidan tezkor moddiy ko‘mak ko‘rsatildi.
Mirobod tumanidagi bolalar va sport maydonchasi o‘rnida noqonuniy qurilish qilib, davlatga ko‘p miqdorda zarar yetkazgan “Al-Latif Hearts Tower” MChJning norasmiy rahbari Asliddin Ikromov ushlandi.
AQSh vositachiligida erishilgan kelishuvga ko‘ra, Hamas tashkiloti G‘azo sektorida qurolsizlanish shartini qabul qildi. Biroq Isroil qo‘shinlarini olib chiqish va bitimni amalda bajarish bo‘yicha jiddiy xavf hamda siyosiy to‘siqlar saqlanib qolmoqda.
Buxoro viloyati IIB tomonidan qidiruvda bo‘lgan va ijtimoiy tarmoqlarda soxta nasiya savdo profillarini yurgazib, qariyb 50 nafar fuqaroni aldagan qashqadaryolik shaxs Uchtepada ushlandi.
Jenevada o‘tgan ishchi guruhining 13-yig‘ilishida O‘zbekiston 2026-yilda Jahon savdo tashkilotiga kirish jarayonini to‘liq yakunlash niyatida ekanini tasdiqladi.
O‘zbekistonlik shaxmatchi Gulruhbegim Tohirjonova Ispaniyada o‘tkazilgan nufuzli “Granada Chess Open 2026” xalqaro turnirini muvaffaqiyatli yakunlab, ayollar o‘rtasida chempion bo‘ldi. U musobaqada 6 ochko jamg‘arib, xalqaro reytingini ham 9,1 punktga yaxshiladi.
Yangi qonunga ko‘ra, O‘zbekistondagi barcha chorva mollari, shuningdek, it va mushuklar belgilangan muddatlarda majburiy identifikatsiya qilinishi va davlat hisobiga olinishi shart.
O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalariga kirish test sinovlarining Toshkent shahri bosqichiga start berildi, shu bilan birga hududlarda bunyodkorlik hamda ma’rifiy tadbirlar bo‘lib o‘tdi.
Farg‘ona viloyatida mast haydovchi boshqaruvidagi Spark avtomobili xizmat vazifasini bajarayotgan YPX xodimini urib yubordi. Og‘ir tan jarohatlari olgan 27 yoshli serjant Hayitbek Karimjonov shifoxonada ko‘rsatilgan tibbiy muolajalarga qaramay vafot etdi.
Qashqadaryo viloyatining Qarshi shahrida ayol eri tomonidan zo’ravonlikka uchradi. Oqibatda ayolning bosh qismi yorilgani aytilmoqda. Ma’lumotlarga ko‘ra, 1 yildan beri 3 nafar qizi bilan turmush o‘rtog‘idan alohida yashab kelmoqda.
Ijtimoiy tarmoqlarda Toshkentdagi uy-joyni majburiy bo‘shatish jarayonida yuz bergan mojaro aks etgan video keng muhokamalarga sabab bo‘ldi. Aniqlandiki, voqea sud qarorini ijro etish vaqtida sodir bo‘lgan bo‘lib, jamoat tartibini buzganlikda ayblangan fuqaroga nisbatan 10 sutka ma’muriy qamoq jazosi tayinlangan.
