AQSH 50 ta davlat fuqarolaridan 20 ming dollargacha garov puli undirishni boshladi. Ro‘yxatda Markaziy Osiyo mamlakatlari ham bor
AQSH Davlat departamenti joriy etgan yangi tartib viza muddati tugagach mamlakatni o‘z vaqtida tark etishni ta’minlashga qaratilgan. Dastur doirasiga tushgan 50 ta davlat orasida Qirg‘iziston, Tojikiston va Turkmaniston ham bor. O‘zbekiston ushbu ro‘yxatga kiritilmadi.
Yangi qoidaga ko‘ra, konsullik xodimi har bir murojaatni alohida baholab, 10 mingdan 20 ming dollargacha garov summa belgilashi mumkin. Fuqaro AQSHni o‘z vaqtida tark etsa, ushbu mablag‘ unga to‘liq qaytariladi. Dasturga davlatlarni saralashda viza tartibining buzilish ko‘rsatkichlari, xavfsizlik va axborot almashinuvi darajasi asosiy mezon qilib olingan.
Yaqinda migratsiya qonunchiligini buzgani sababli AQSHdan deportatsiya qilingan 18 nafar O‘zbekiston fuqarosi Toshkentga qaytarilgan edi.
