“Tashabbusli budjet”ning ikkinchi mavsumda fuqarolardan 23 yarim mingdan ortiq loyiha kelib tushdi
Iqtisodiyot va moliya vazirligi xabariga ko‘ra, 4-avgustdan e’tiboran loyihalarni saralash bosqichiga start berildi. 18-avgustga qadar davom etadigan ushbu jarayonda tushgan takliflar mezonlarga mosligi bo‘yicha ko‘rib chiqiladi va ovoz berish bosqichiga o‘tkaziladigan loyihalar saralab olinadi.
Ma’lumot uchun, ushbu tizim orqali aholi yo‘llar, ichimlik suvi, ta’lim hamda tibbiyot muassasalarini ta’mirlash kabi ijtimoiy muammolarni hal etish bo‘yicha takliflar beradi. G‘olib deb topilgan tashabbuslar mahalliy budjet mablag‘lari hisobidan moliyalashtiriladi.
