BMT Bosh Assambleyasi O‘zbekiston tashabbusi bilan tayyorlangan rezolyutsiyani qabul qildi
Hujjat uchun BMTga a’zo 167 ta davlat ovoz bergan. Shuningdek, 61 mamlakat, jumladan Germaniya, Xitoy, Yaponiya, Janubiy Koreya va Braziliya O‘zbekiston ilgari surgan ushbu tashabbusga hammuallif bo‘lgan.
Mazkur rezolyutsiya g‘oyasi ilk bor 2020-yil sentyabrida BMT Bosh Assambleyasining 75-sessiyasida bildirilgan edi. Hujjat parlamentlarning ijtimoiy sohadagi rolini oshirish, ayollar hamda yoshlarning siyosatdagi ishtirokini kengaytirish va rivojlanayotgan davlatlarni qo‘llab-quvvatlashni nazarda tutadi.
Shuningdek, matnda Toshkentda o‘tgan Parlamentlararo Ittifoqning 150-Assambleyasi hamda unda qabul qilingan Toshkent deklaratsiyasi alohida e’tirof etilgan.
