Abituriyentlarning qariyb 38 foizi minimal ballni ham to‘play olmadi
DTMSTAT sun’iy intellekt tizimi tahliliga ko‘ra, joriy imtihonlarda ishtirok etganlarning 37,6 foizi (234 072 nafar) minimal talabni bajarmadi. Bu deyarli har uchinchi talabgor OTMlar o‘rtasidagi tanlovda qatnashish huquqidan mahrum bo‘lganini anglatadi.
56,7 ball OTMga kirish uchun eng quyi chegaradir, davlat granti uchun esa kamida 68 ball to‘plash talab etiladi. Ushbu minimal darajadan oshgan abituriyentlarga yo‘nalish tanlashda shoshilmaslik, avvalo fanlar guruhi bo‘yicha o‘z reytingini, raqobat darajasini hamda o‘tgan yillardagi o‘tish ballarini puxta o‘rganish tavsiya qilinmoqda.
Ma’lumot uchun, bu yilgi qabul jarayonida 12 997 nafar abituriyent barcha fanlardan milliy hamda xalqaro sertifikatlarga ega bo‘lgani sababli test sinovlaridan to‘liq ozod etilgan edi.
