Buxoro viloyatining Qorovulbozor tumanidagi Xadicha ko‘lida taqiqlangan to‘rlar bilan noqonuniy baliq ovlagan uch nafar fuqaro qo‘lga olindi. Ular tabiatga 126 million so‘mdan ortiq zarar yetkazgani aniqlandi.
Rossiya Federal xavfsizlik xizmati Telegram asoschisi Pavel Durovga terrorchilik faoliyatiga ko‘maklashish aybi bilan jinoyat ishi qo‘zg‘atdi va uni xalqaro qidiruvga berish jarayonini boshladi.
2026-yilning birinchi yarmida qonunbuzarliklar sabab Rossiyadan 43,7 ming nafar migrant chiqarib yuborildi. Davlat dumasi raisi Vyacheslav Volodin ushbu ko‘rsatkich o‘tgan yilning mos davriga nisbatan 65,5 foizga oshganini ma’lum qildi.
O’zbekiston Respublikasi Prezidenti Shavkat Mirziyoyev, Qirg’iziston Prezidenti Sadir Japarov va Tojikiston Prezidenti Imomali Rahmon 2026-yilgi “Future Games” musobaqasining ochilish marosimida ishtirok etish uchun Ostonaga uchib ketishmoqda.
Hozrda cho‘milish taqiqlangan joylarda cho‘kib ketgan 2 nafardan ortiq fuqaroni qidirish ishlari davom ettirilmoqda.
BAAda ayollarning oiladagi va jamiyatdagi o‘rnini yanada yuksak e’tirof etish maqsadida rasmiy hujjatlardagi “uy bekasi” atamasi “Avlodlar bunyodkori” iborasiga almashtirildi. Shuningdek, yangi maqom asosida maxsus oilaviy va ijtimoiy qo‘llab-quvvatlash dasturlarini joriy etish rejalashtirilgan.
Prezident Shavkat Mirziyoyev Nukusdagi markaziy qozonxonani zamonaviy kogeneratsiya texnologiyalari asosida yangilash loyihasi bilan tanishdi. Qiymati 20 million dollardan ortiq bo‘lgan loyiha doirasida 136 ta ko‘p qavatli uy, qariyb 6 ming xonadon va 40 ta ijtimoiy obyekt markazlashgan issiqlik ta'minotiga ulanadi, yiliga esa 12,2 million kub metr tabiiy gazni tejash imkoniyati yaratiladi.
Nomzodlar 20–30 yosh oralig‘ida bo‘lishi, mehmonxona va restoran xizmati yo‘nalishida mutaxassislikka, ovqat va ichimliklar servisi bo‘yicha kamida bir yillik ish tajribasiga ega bo‘lishi hamda ingliz tilini kamida B2 darajada bilishi talab etilgan.
O‘zbekistonda B2 darajadagi milliy yoki xalqaro sertifikatga ega bo‘lmagan xorijiy til o‘qituvchilari bilan tuzilgan mehnat shartnomasini bekor qilish taklif qilinmoqda. Tegishli hukumat qarori loyihasi jamoatchilik muhokamasiga qo‘yildi.
Qonunchilik palatasi davlat idoralari hamda harbiylarning rasmiy formasiga o‘xshash kiyimlardan foydalanganlik uchun ma’muriy javobgarlik belgilovchi qonun loyihasini birinchi o‘qishda qabul qildi.
Rossiya prezidenti Vladimir Putin O‘zbekiston hamda Qozog‘iston bilan amaldagi harbiy-texnik hamkorlik bitimlariga o‘zgartirishlar kiritish bo‘yicha muzokaralar boshlash haqidagi hujjatlarni imzoladi.
Namangan FVB Sirdaryoda sodir bo‘lgan fojiali hodisalar bo‘yicha rasmiy ma’lumot berdi. Qutqaruvchilar daryodan bir kishining jasadini topishgan, taqiqlangan hududda cho‘kib ketgan yana ikki fuqaroni qidirish ishlari esa davom etmoqda.
Sinoptiklar prognoziga ko‘ra, iyulning so‘nggi haftasi iqlim me’yoridan issiqroq bo‘ladi. Avgust oyining dastlabki kunlarida ham respublika bo‘ylab issiq va quruq ob-havo saqlanib qoladi. Faqat avgust oyining oxirlariga borib havo haroratining asta-sekin pasayishi kutilmoqda.
Samarqand viloyatining Nurobod tumanida yetti yil davomida reabilitatsiya markazida davolanib, parvarish qilingan Qizil kitobga kiritilgan bo‘z echkemar tabiiy yashash muhitiga qo‘yib yuborildi. U bir necha yil avval yarador va yosh holatda topilgan edi.
O‘zbekiston Markaziy banki asosiy stavkani yillik 14 foiz darajasida saqlab qolish haqida qaror qabul qildi. Regulyator yil yakunida inflyatsiya 6,5 foiz atrofida bo‘lishini va iqtisodiy o‘sish 7,5-8 foizga yetishini prognoz qilmoqda.
Statistika agentligining 2026-yil olti oylik hisobotiga ko‘ra, O‘zbekistonda tashqi migratsiya bo‘yicha salbiy ko‘rsatkich qayd etildi. Xorijga ko‘chib ketganlar soni mamlakatga kelganlarga qaraganda 3,7 ming kishiga ko‘p.
O‘zbekiston afg‘onistonlik yuk avtomobillari haydovchilari uchun mamlakat hududi orqali tranzit o‘tish sharoitlarini yaxshilaydi. Ikki davlat transport vazirlari viza olishni osonlashtirish va tranzit imkoniyatlarini kengaytirish bo‘yicha kelishib oldi.
O‘zbekiston va xalqaro olimlar Surxondaryodagi Sopollitepa yodgorligidan miloddan avvalgi XX–XVIII asrlarga oid pilla parchalarini aniqlashdi. Bu ilm-fanga ma’lum bo‘lgan eng qadimiy xonaki ipak qurti qoldiqlari bo‘lib, Yevroosiyoda ipakchilik tarixi 2000 yilga qadimiylashganini ko‘rsatadi.
Isroilning 550 nafardan ortiq sobiq harbiylari va razvedkachilari Donald Trampga murojaat qilib, Benyamin Netanyahuni G‘arbiy sohildagi yahudiy ko‘chmanchilar zoravonligini to‘xtatishga majburlashni so‘radi.
Xalqaro Expedia Group ma’lumotlariga ko‘ra, iyun oyida xorijliklarning O‘zbekistonga sayohat qilish bo‘yicha qidiruvlari 54 foizga oshdi. Turistlar orasida AQSh va Yaponiya fuqarolari eng yuqori faollikni ko‘rsatmoqda.
