Namanganda Sirdaryo daryosiga 22 yoshli fuqaro cho‘kib ketdi, yana boshqa bir kishining esa jasadi topildi
Namangan viloyati hududidan oqib o‘tuvchi Sirdaryo daryosida 22 yoshli fuqaro cho‘kib ketdi. Bu haqda viloyat Favqulodda vaziyatlar boshqarmasi xabar berdi.
Ma’lum qilindiki, 26-iyul kuni Namangan shahri Gulbog‘ mahallasida yashovchi 2004-yilda tug‘ilgan fuqaro Namangan tumani Sho‘rqo‘rg‘on mahallasi hududidan oqib o‘tuvchi Sirdaryo daryosiga cho‘kib ketdi. Mazkur murojaat asosida g‘avvoslar qidiruv-qutqaruv ishlari olib bormoqda.
27-iyul kuni boshqa bir fuqaroning jasadi daryodan topilib, qutqaruvchilar tomonidan qirg‘oqqa olib chiqilgan va tegishli tartibda topshirilgan.
Hozirda cho‘milish taqiqlangan joylarda cho‘kib ketgan 2 nafardan ortiq fuqaroni qidirish ishlari davom ettirilmoqda.
Boshqarmaning ma’lumotlariga ko‘ra, joriy mavsum davomida cho‘milish taqiqlangan hududlarda baxtsiz hodisalar sababli bir nechta fuqaro hayotdan ko‘z yumgan.
