“7-oktyabrdan ham og‘irroq inqiroz xavfi kutmoqda”. 550 nafar sobiq zobit Trampdan Netanyahuga bosim o‘tkazishni so‘radi
“Israel’s Security Commanders” (CIS) tashkiloti tomonidan e’lon qilingan maktubda G‘arbiy sohildagi zo‘ravonliklar Isroil, AQSh hamda butun yaqin Sharq xavfsizligiga jiddiy tahdid solayotgani ta’kidlangan. Zobitlar professional baholashlariga tayanib, ushbu xatarni to‘xtatishga qodir yagona shaxs Donald Tramp ekanini bildirishgan.
Generallar, polkovniklar hamda “Mossad” va militsiya sobiq rahbarlarini birglashtirgan ushbu tashkilot Isroil hukumatining ayrim a’zolarini ko‘chmanchilar zo‘ravonligini qo‘llab-quvvatlashda ayblamoqda. Ularning ogohlantirishicha, vaziyat jilovlanmasa, bu 2023-yil 7-oktyabrdagi HAMAS hujumidan ham og‘irroq inqirozga olib kelishi mumkin.
Murojaatnoma Tramp va Netanyahuning Vashingtondagi uchrashuvi arafasida hamda G‘arbiy sohildagi so‘nggi to‘qnashuvlar oqibatida 2 isroillik va 4 falastinlik halok bo‘lgan bir paytda e’lon qilindi.
Avvalroq Netanyahu Vashingtinga yetib borgani va AQSh prezidenti Donald Tramp bilan uchrashishi haqida xabar bergan edik.
