Sazan va plotvalarga qiron keltirgan brakonyerlar Buxoroda qo‘lga tushdi
Buxoro viloyat Ekologiya boshqarmasi o‘tkazgan reyd davomida tegishli ruxsatnomalarsiz faoliyat yuritgan brakonyerlar to‘xtatib qolindi. Huquqbuzarlardan ashyoviy dalil sifatida 118 dona baliq – 47 dona sazan hamda 71 dona Orol plotvasi musodara qilingan.
Shuningdek, tekshiruv jarayonida rezina qayiq va taqiqlangan baliq ovlash to‘rlari olib qo‘yilgan. Holat yuzasidan jinoyat ishi qo‘zg‘atildi. Qayd etilishicha, hududda noqonuniy ovchilikka qarshi nazorat reydlari izchil davom ettiriladi.
