Yarim yilda 5 mingdan ortiq kishi O‘zbekistondan bosh olib ketdi
Yanvar–iyun oylarida xorijdan O‘zbekistonga 1 649 kishi ko‘chib kelgan bo‘lsa, 5 422 kishi mamlakatni tark etgan. Tashqi migratsiyada eng katta farq Navoiy viloyatida kuzatildi: bu yerdan 1 203 kishi xorijga ketib, atigi 31 kishi ko‘chib kelgan. Toshkent shahrida esa aksincha – kelganlar (1 089 kishi) ketganlardan (492 kishi) ko‘proqni tashkil etgan.
Respublika ichidagi ko‘chib o‘tishlar soni 183 921 kishiga yetdi. Ichki migratsiyada poytaxt va Toshkent viloyati eng asosiy jozibador hudud bo‘lib qolmoqda. Toshkent shahriga 63,4 ming va viloyatga 26,8 ming kishi ko‘chib kelgan.
2025-yilda O‘zbekistondan doimiy yashash uchun xorijga ko‘chib ketganlar 10 370 kishini tashkil qilgan.
