Sertifikati yo‘q til o‘qituvchilari ishdan bo‘shatilishi mumkin
Normativ-huquqiy hujjatlar loyihalari muhokamasi portalida e’lon qilingan hujjatga ko‘ra, xorijiy tillarni o‘rganish bo‘yicha 2021-yilgi hukumat qaroriga qo‘shimchalar kiritilmoqda. Unga muvofiq, belgilangan B2 darajadagi sertifikatni taqdim etmagan o‘qituvchilar bilan mehnat munosabatlari mehnat qonunchiligi asosida tugatiladi.
Loyiha, shuningdek, uzoq muddat davolanayotgan bolalar uchun tashkil etilgan “Mehrli maktab” faoliyatini takomillashtirishni ham nazarda tutadi. Unda maktabning shtat jadvali va xodimlarga haq to‘lash tartiblariga o‘zgartirishlar kiritish taklif etilgan.
Hukumat qarori loyihasi muhokamasi 12-avgustga qadar davom etadi, shundan so‘ng bildirilgan takliflar asosida yakuniy qaror qabul qilinadi.
