Yangi shakllar kashfiyotchisi, kanadalik shoira Enn Karson adabiyot bo‘yicha Nobel mukofotiga sazovor bo‘ldi
Yuksak mukofotga klassik an’analarni zamonaviy adabiyot bilan jur’atli va ijodkorona uyg‘unlashtira olgan kanadalik adib hamda tarjimon Enn Karson loyiq topildi.
1950-yilda Torontoda tug‘ilgan Enn Karson professional faoliyatini klassik filologiya va akademizm bilan uzviy bog‘lagan. U 1981-yilda doktorlik dissertatsiyasini himoya qilgan bo‘lib, uzoq yillar davomida Shimoliy Amerikaning yetakchi oliygohlari, jumladan, Prinston va Makgill universitetlarida dars berib kelgan.
Karsonning adabiy uslubi va ijodiy falsafasi filologik aniqlik hamda poetik yangilanish chorraxasida shakllangan. So‘zlar etimologiyasini o‘z asarlari uchun boshlang‘ich nuqta deb biladigan yozuvchi she’riyat bilan birga tarjimonlik faoliyatini ham faol olib boradi.
Faoliyati davomida Guggenxaym va Mak-Artur stipendiyalariga, shuningdek, nufuzli Griffin va Lannan adabiy mukofotlariga sazovor bo‘lgan ijodkor XXI asrning eng o‘zgacha va ta’sirchan shoiralaridan biri sifatida e’tirof etib kelinadi.
Avvalroq o‘zbekistonlik yozuvchi ham 2026-yilgi adabiyot bo‘yicha Nobel mukofotiga ehtimoliy nomzodlar ro‘yxatiga kiritilgan edi.
