Makoley Kalkin “Uyda yolg‘iz” filmidagi Kevin roliga qaytdi

Makoley Kalkin “Uyda yolg‘iz” filmida ijro etgan roli — Kevinni gavdalantirdi, biroq bu safar kinoda emas reklamada. Bu haqda “Pravila jizni” xabar berdi.
U McDonald’s’ning yangi reklama roligida ushbu qahramonni gavdalantirdi. Tezkor ovqatlanish tarmog‘i aktyor ishtirokidagi videoni ijtimoiy tarmoqlarida e’lon qildi. Rolik ostiga “Chiroq yonib turibdi, demak uyda kimdir bor” deb yozilgan.
Reklama roligi 24-noyabrdan 1-dekabrgacha davom etadigan “Uyda yolg‘iz” aksiyasi uchun tayyorlangan. AQShda aksiyadagi har bir taomga film qahramonlari tasvirlangan to‘rtta kolleksion paypoqdan biri qo‘shib beriladi.
Ma‘lumot uchun, “Uyda yolg‘iz” filmi 1990-yilda ekranlarga chiqqan. Undagi bosh rolni kichkina Kevin obrazini ijro etgan Makoley Kalkin o‘ynagan. Film suratga olingan paytda aktyor to‘qqiz yoshda edi. Syujetga ko‘ra, amerikalik oila Chikagoga sayohatga otlanadi, biroq yo‘lga tayyorgarlik paytida farzandlaridan birini uyda unutib qoldiradi.
- #Makoley Kalkin
- #“Uyda yolg‘iz”
- #McDonald’s









