O‘zbekistonlik yozuvchi 2026-yilgi adabiyot bo‘yicha Nobel mukofotiga ehtimoliy nomzodlar ro‘yxatiga kiritildi
Ushbu nufuzli ro‘yxatda o‘zbek adibidan tashqari Haruki Murakami, Margaret Etvud, Salmon Rushdi hamda Joan Rouling kabi jahonga mashhur mualliflar ham qayd etilgan.
Hamid Ismoilov o‘zbek va rus tillarida ijod qiladi hamda uning asarlari dunyoning ko‘plab yetakchi tillariga tarjima qilingan. Xususan, adib 2019-yilda “Jinlar bazmi” romani uchun Yevropa tiklanish va taraqqiyot bankining (EBRD) adabiy mukofotiga sazovor bo‘lgan, 2026-yilda esa uning “We Computers” asari ushbu mukofotning qisqa ro‘yxatidan joy olgan edi. Yozuvchi 1992-yildan buyon Buyuk Britaniyaning London shahrida istiqomat qilib keladi.
Shvetsiyaning Stokgolm shahrida 8-oktyabr kuni 2026-yilgi adabiyot bo‘yicha Nobel mukofoti g‘olibi rasman e’lon qilinadi. Mukofot jamg‘armasi 12 million shved kronasini (taxminan 1,2 million dollar) tashkil etadi va g‘olibga tantanali topshirish marosimi 10-dekabr kuni bo‘lib o‘tadi.
