Turkiyada 15 yoshgacha bo‘lgan bolalarga ijtimoiy tarmoqlardan foydalanish rasman taqiqlandi
Rasmiy axborotnomada e’lon qilingan yangi qoidalarga ko‘ra, barcha ijtimoiy tarmoq platformalari voyaga yetmagan foydalanuvchilar yoshini tekshirishi hamda e-Devlet elektron platformasi orqali identifikatsiyadan o‘tkazishi shart qilib belgilandi.
Mavjud akkaunt egalari 2027-yil 31-martga qadar o‘z yoshini tasdiqlovchi identifikatsiyadan o‘tishlari lozim. Shu bilan birga, platformalarga o‘smirlarning shaxsiy ma’lumotlariga kirish, to‘plangan ma’lumotlar asosida ularga boshqa profillarni tavsiya qilish yoki ushbu foydalanuvchilarning hisoblarini boshqalarga ko‘rsatish qat’iyan man etiladi.
Yangi cheklovlar, shuningdek, bolalarning akkauntlarini telefon kontaktlari, elektron pochta ro‘yxati yoki boshqa ilovalardagi do‘stlar tarmog‘iga bog‘lashni ham taqiqlaydi. Turkiya parlamenti aprel oyida qabul qilgan qonunchilikka binoan, mazkur qoidalar va yoshni tekshirish talablari ijtimoiy tarmoqlar bilan bir qatorda onlayn o‘yin platformalariga ham taalluqlidir.
