Saudiyada payg‘ambarni haqoratlagan yigit o‘limga hukm qilindi
Diniy bahslar ortidan kelib chiqqan ushbu mojaro iyun oyining oxirida boshlangan bo‘lib, sud dastlabki yengilroq jazoni bekor qilib, oliy jazo chorasini belgiladi.
Dastlab Al-Ahsa jinoyat sudi fuqaroni 5 yil muddatga ozodlikdan mahrum qilish va taxminan 800 ming dollar miqdorida jarimaga tortish haqida hukm chiqargan edi.
Biroq mamlakat prokuraturasi ishni kiberjinoyatlar to‘g‘risidagi normativlar bo‘yicha emas, balki shariat qonunlari asosida qayta ko‘rib chiqishni talab qilganidan so‘ng, Apellyatsiya sudi jazoni o‘lim hukmiga o‘zgartirdi.
Mojaroga Shri-Lankadagi diniy ziyorat bilan bog‘liq video ostida yozilgan tortishuvli sharhlar sabab bo‘lgan. Foydalanuvchilardan birining kamsituvchi izohiga javoban Anojan payg‘ambarga nisbatan haqoratli fikr qoldirgan, keyinchalik uni o‘chirib uzr so‘ragan bo‘lsa-da, izoh skrinshoti ish beruvchisi va huquqni muhofaza qiluvchi organlarga yetkazilgan.
Ayni paytda mazkur holat Shri-Lankada keng rezonans keltirib chiqargan bo‘lib, mamlakatning rasmiy idoralari hamda diplomatiyalari mahkumni afv etish bo‘yicha harakatlarni boshlagan. To‘rt nafar advokatdan iborat guruh sudlanuvchining huquqlarini himoya qilish uchun Saudiya Arabistoniga jo‘nab ketishi kutilmoqda, mahkumning oilasi esa unga shafqat qilinishini so‘rab murojaat qilgan.
