Sentabr oyida pomidor 14,2 foizga, propan 48,9 foizga va o‘quv kontraktlari 6,3 foizga qimmatlashdi
Milliy statistika qo‘mitasi axborotiga ko‘ra, oziq-ovqat va mavsumiy sabzavotlar, shuningdek, yonilg‘i hamda ta’lim sohasidagi to‘lovlar narxida o‘sish qayd etilgan.
Meva-sabzavot mahsulotlari orasida eng keskin narx o‘sishi pomidorda kuzatildi – uning narxi bir oyda 14,2 foizga, yillik hisobda esa 54,9 foizga ko‘tarildi. Bodring 13,5 foizga, sabzi 12,4 foizga, tuxum 5,3 foizga va suyakli mol go‘shti 1,7 foizga qimmatlashdi. Aksincha, sitrus mevalar 12 foizga va uzum 5,7 foizga arzonlagan.
Yonilg‘i bozori va transport sohasida ham narxlar o‘zgardi. AI-95 markali benzin narxi bir oyda 4,2 foizga, propan esa yillik hisobda 48,9 foizga oshdi. Shu bilan birga, uzoq masofaga qatnovchi poyezd chiptalari 1,6 foizga va aviachiptalar narxi o‘rtacha 0,9 foizga arzonlashgani kuzatildi.
Yangi o‘quv yili boshlanishi munosabati bilan ta’lim xizmatlari narxi oy davomida 4,2 foizga ko‘tarildi. Davlat OTMlarida kontrakt to‘lovlari o‘rtacha 6,3 foizga, xususiy maktablar 6 foizga, davlat bog‘chalari to‘lovlari esa 6,8 foizga oshdi.
