O‘zbekistonda ko‘chmas mulk xizmatlari bozori 22,3 trillion so‘mga yetdi
Milliy statistika qo‘mitasi ma’lumotlariga ko‘ra, ushbu ko‘rsatkich o‘tgan yilning mos davri bilan solishtirilganda 13,8 foizlik o‘sishni qayd etgan.
Ko‘chmas mulk bozoridagi xizmatlarning asosiy qismi poytaxt hissasiga to‘g‘ri keldi – Toshkent shahrida bu ko‘rsatkich 14 trillion so‘mga yetdi. Keyingi o‘rinlarni 1,7 trillion so‘m bilan Toshkent viloyati hamda har biri 1 trillion so‘mdan ortiq hajm ko‘rsatgan Samarqand va Farg‘ona viloyatlari egalladi.
Boshqa hududlarda ham ushbu yo‘nalishdagi xizmatlar hajmi barqaror o‘sishni ko‘rsatmoqda. Xususan, Andijonda 698,6 milliard so‘mlik, Qashqadaryoda 568,4 milliard so‘mlik, Namanganda 529,1 milliard so‘mlik hamda Buxoroda 527,7 milliard so‘mlik ko‘chmas mulk xizmatlari ko‘rsatilgan.
Qolgan viloyatlar kesimida Surxondaryoda 493,7 milliard, Xorazmda 417,4 milliard va Qoraqalpog‘istonda 390,4 milliard so‘mlik ko‘rsatkichlar qayd etildi. Nisbatan kamroq hajm Navoiy (360,9 mlrd), Jizzax (356,3 mlrd) hamda Sirdaryo (212 mlrd so‘m) viloyatlari hissasiga to‘g‘ri keldi.
