O‘zbekistonda aholining banklardan olgan qarzi 243,6 trillion so‘mdan oshib ketdi
Dastlabki sakkiz oy davomida fuqarolarning banklar oldidagi qarzdorligi 23,3 trillion so‘mga yoki 10,6 foizga ko‘paygan.
Qarz majburiyatlarining eng katta qismini ipoteka kreditlari tashkil etmoqda – ushbu yo‘nalishdagi ko‘rsatkich 89,7 trillion so‘mga yetib, yil boshiga nisbatan 12,9 foizga o‘sdi. Shuningdek, aholi o‘rtasida mikroqarzlar (51,3 trillion so‘m), mikrokreditlar (48,2 trillion so‘m) hamda avtokreditlar (41 trillion so‘m) eng ommabop moliyaviy manbalar bo‘lib qolmoqda. Ta’kidlash joizki, ta’lim kreditlari hajmi 1,1 foizga qisqarib, 6,85 trillion so‘mni tashkil etgan bo‘lsa, kredit kartalari va overdraft yo‘nalishida 38,1 foizlik keskin o‘sish qayd etildi.
Aholiga ajratilgan umumiy kreditlarning 130,8 trillion so‘mi davlat ulushiga ega banking sohasi, 112,8 trillion so‘mi esa xususiy banklar hissasiga to‘g‘ri kelmoqda. Davlat sektorida “Xalq banki”, “Milliy bank” va “Agrobank” eng yirik kredit portfeliga ega bo‘lsa, xususiy banklar orasida "Ipoteka bank" 30,3 trillion so‘mlik ko‘rsatkich bilan yetakchilikni qo‘lda ushlab turibdi.
