Zarafshon shahri hududi Tomdi tumani hisobidan 2,5 ming gektardan ortiqroqqa kengaytirildi
Hujjatga ko‘ra, Tomdi tumaniga qarashli 2 459 gektar yer maydoni Zarafshon shahri tarkibiga o‘tkazildi va shahar maydoni 24,59 kvadrat kilometrga yetdi.
O‘tkazilgan hududning asosiy qismini, ya’ni 2 182 gektarini qishloq xo‘jaligi yerlari tashkil etadi. Senat qarori bilan shahar va tuman ma’muriy chegaralarining yangi xaritalari tasdiqlandi. Yangi hududdagi yerlar amaldagi fond toifasini saqlab qolishi hamda jismoniy va yuridik shaxslarning ushbu yerlarga bo‘lgan huquqlari o‘z kuchida qolishi belgilandi.
Ushbu Hududiy kengayish Zarafshon shahrini iqtisodiy hamda ijtimoiy rivojlantirish maqsadlariga xizmat qiladi. Avvalroq tasdiqlangan rejalarga ko‘ra, shaharda 250 dan ortiq sanoat loyihasi, 90 ta ijtimoiy soha obyekti hamda 500 dan ziyod savdo va xizmat ko‘rsatish shoxobchalarini barpo etish ko‘zda tutilgan.
